Кумак аз Точикистон ба зарардидагони зилзила дар Туркия

0
324 просмотров

Бо супориши Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба зарардидагони зилзилаи шадид дар Ҷумҳурии Туркия кумаки башардӯстона фиристода шуд, хабар медиҳад АМИТ «Ховар».

Кумаки башардӯстона аз маҳсулоти зарурии  хӯрокворӣ, аз қабили орд, равған, шакару биринҷ, макарон ва оби нӯшокӣ иборат мебошад.

Дар баробари ин ба мардуми аз офати табиӣ зарардидаи музофоти гуногуни Ҷумҳурии Туркия либосу пойафзоли зимистона, хайма,  кӯрпаю болишт, кати хоб, ҷилди ҷиҳози хоб, рӯйпӯшҳои пашмин (одеялҳо), зарфҳои алюминӣ, ҷиҳози хӯрокхӯрӣ, ниқобҳои муҳофизатӣ ва маводи антисептикӣ дастрас карда мешавад.

Ҳаҷми умумии кумаки башардӯстонаи ҷониби Тоҷикистон ба мардуми зарардидаи Туркия наздик ба 100 тонна мебошад.

 

Дар баробари ин бо дастури Президенти Ҷумҳурии Тоҷикистон гурӯҳи наҷотдиҳандагони Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба Ҷумҳурии Туркия иборат аз 50 нафар наҷотдиҳандагони ботаҷриба, ҷарроҳ ва духтур — травматолог (шикастабанд) фиристода шуд. Кумак бо дастури фаврии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон аз  ҷониби Агентии захираҳои моддии давлатӣ ва Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон омода гардида, шаби 8 феврал тавассути ҳавопаймои махсус бо ҳайати расмӣ ва гурӯҳи наҷотдиҳандагон аз ҷониби сохторҳои дахлдор ба Туркия фиристода шуд.


Дар ин рӯзҳои фалокатбор барои мардуми Ҷумҳурии Туркия  ғамхорию дасти кумак дароз намудан ба зарардидагони зилзилаи шадид дар ин давлат аз иқдомоти фаврӣ пешгирифтаи башардӯстонае мебошад, ки дар сиёсати хориҷӣ ва иҷтимоии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мақоми меҳварӣ доранд ва аз талошҳои пайвастаи Роҳбарияти олии Тоҷикистон дар ҳалли мушкилоти ҷомеаи ҷаҳонӣ гувоҳӣ медиҳанд.

Ёдовар мешавем, ки 6 феврал дар музофоти Каҳрамонмараши ҷанубу шарқи Туркия заминларза бо шиддати 7,7 балл рух дод. Таконҳои зеризаминӣ ва садҳо пасларзаҳо дар 10 музофоти ин давлат, инчунин дар кишварҳои ҳамсоя, аз ҷумла дар Сурия эҳсос карда шуданд.

Ба ҳолати субҳи 9 феврал, теъдоди ҳалокшудагон бар асари зилзила дар ҷанубу шарқи Туркия ба 12 391 нафар ва шумораи зарардидагон ба 62 914 нафар расид.

Нет комментариев

Также рекомендуем

Рекорди селфи аз microsoft

Microsoft смартфони lumia 730-и худро бо роҳи ғайримуқаррарӣ пеш бурда истодааст. Барои бахши тиҷорӣ ӯ бо ширкати coca-cola чорабиниеро ташкил намуд,то ки рекорд нишон дода, ...

Сообщить об опечатке

Текст, который будет отправлен нашим редакторам: