Кумита рӯйхати сарояндагони андозгурезро нашр кард

0
3 299 просмотров

Дар рӯйхати ҷадиди Кумитаи андоз исми чанд нафар аз сарояндагони машҳури тоҷик барои саркашӣ аз пардохти андоз нашр гардидааст.

Тавре Собирҷон Исоев, сармутахассиси раёсати ташкили андозбандии Кумитаи андоз мегӯяд, на ҳамаи санъаткорон дар ҳисоботҳои андозӣ даромади аслии худро дарҷ намуда, андозҳои ҷориро ба пуррагӣ пардохт мекунанд.

Бино ба гуфти Исоев, азҷумла Зулайхо Маҳмадшоева 1521, Суруш Холов 2928, Ғолибҷон Юсупов 1988, Эркинбой Одинаев 4822 ва ғайра аз буҷет қарздор мебошанд. Ин ниҳод мегӯяд, сарояндаи дигари тоҷик Фахриддини Малик аз моҳи октябри соли ҷорӣ умуман ба мақомоти андоз ҳисоботҳои андозии худро пешниҳод накардааст. Инчунин сарояндагон Баҳроми Ғафурӣ аз моҳи майи соли 2014, Ҳабиба Давлатова ва Сангалӣ Мирзоев аз моҳи апрели соли 2016, Заррина Абдуллоева ва Файзалӣ Фозилов аз моҳи апрели соли 2014, то инҷониб ҳисоботҳои худро ба мақомотҳои андози маҳалли фаъолияташон пешниҳод накардаанд ва аз буҷет қарздор мебошанд.

Ба таъкиди Куитаи андози кишвар, баъзе аз сарояндаҳо аз сабукиҳои қонунгузорӣ сӯистифода карда, худро ҳамчун навозанда, раққоса ва баранда ба қайд мегиранд вале дар асл ба сарояндагӣ машғуланд. Зеро маблағи патент барои сарояндагӣ 633 сомонӣ ва барои навозандагӣ, раққосӣ ва барандагӣ 139 сомониро муқаррар шудааст, ки фарқият 494 сомониро ташкил медиҳад.

Рӯйхати мазкурро, ки ҳафтаномаи “Боҷу хироҷ” нашр кардааст, номи 7 сароянда зикр мешавад, ки аз миёни онҳо танҳо номи Шаҳзоди Даврон шинохта аст. Ба қавли масъулини Кумитаи андоз Шаҳзоди Даврон худро ҳамчун навозанда ба қайд гирифта, аммо дар асл ба овозхонӣ машғул аст.

Ҷаноби Исоев ҳамчунин таъкид мекунад, ки баъзе аз сарояндагон аз мақомоти андоз ҳуҷҷатҳои соҳибкорӣ ба даст оварда, пас аз чанд муддат фаъолияти худро қатъ намуда, бе қайд дар мақомоти андоз фаъолият менамоянд дар ҳоле ки аксарияти онҳо ҳамаруза дар ҷашну маъракаҳо ва барномаҳои алоҳидаи консертӣ ҳунарнамоӣ мекунанд. Аз ҷумла ба иттилои манбаъ, Зафар Аюбӣ қаблан аз мақомоти андоз патент гирифта фаъолияташро санаи 29.04.2015 қатъ намуда, то инҷониб бе қайд дар мақомоти андоз фаъолият мекунад. Ба ин монанд Садриддин Наҷмиддин, Сафаргул Юсупова, Сироҷиддин Фозилов, Сарвиноз Юсуфӣ, Бахтиёр Иброҳимов, Қобилҷон Зарипов, Қурбоналӣ Раҳмонов, Саъдии Буризод фаъолияти худро қатъ намудаанд, “дар ҳоле, ки аксарияти онҳо ҳамарӯза дар ҷашну маъракаҳо ва барномаҳои алоҳидаи консертӣ ҳунарнамоӣ менамоянд.”

Натиҷаи мушоҳидаҳо ва корҳои назоратӣ нишон медиҳанд, ки аксарияти ҳунармандони номзод, бинобар маърифати паси андозсупориашон ба баҳонаҳои фаъолият намудан дар муассисаҳои давлатии фарҳангӣ, роҳбарӣ намудани гуруҳҳои алоҳидаи эҷодӣ, фарҳангӣ ва ба таври доимӣ иштирок намудан дар чорабиниҳои давлатӣ аз гирифтани ҳуҷҷатҳои соҳибкорӣ худдорӣ намуда, бе қайд дар мақомоти андоз ба фаъолият машғул мебошанд,-мегӯяд, Собирҷон Исоев .

Манбаъ: faraj.tj

Нет комментариев

Также рекомендуем

Сообщить об опечатке

Текст, который будет отправлен нашим редакторам: