Дар асоси дастуру ҳидоятҳои Пешвои миллат, Президенти Ҷумҳурии Тоҷикистон Эмомалӣ Раҳмон дар баробари тамоми кишвар дар шаҳри Хуҷанд низ омодагии ҳамаҷониба ба таҷлили Наврӯзи хуҷастапай корҳои омодагӣ ободкорӣ ва гулу сабзпӯш намудани шаҳр рӯз аз рӯз вусъат мегирад. Чуноне, ки қаблан иттилоъ дода будем дар мавсими гулу лолашинонӣ дар ҳудуди шаҳр тибқи дастури Раиси шаҳри Хуҷанд корҳои назаррас ба анҷом расонда шуда буд.
Ва инак баробари оғози фасли баҳор шаҳри Хуҷанд қабои баҳорию наврӯзӣ ба бар мекунад. Дар Хуҷанди бостонӣ мавсими шукуфтани гули лола фаро расид.
Ҳоло дар кӯчаю хибонҳо ва мавзеҳои истироҳатии марказивилоят бештар аз 1 миллион дона гули лола дар марҳилаи шукуфтан аст.
Назар ба таҳлили мутахассисон давоми 15 рӯзи минбаъда кӯчаю хиёбонҳои шаҳрро лолаҳои рангоранги зебои навъи «ҳолландӣ» бояд оро диҳанд.
Дар баробари ин тибқи нақшаи Мақомоти иҷрояи ҳокимияти шаҳри Хуҷанд боз ду миллион дона гулҳои ороишии навъи «Марҷонгул», 6 намуди гули навъи «Петуня», «Катарантус». «Вербена», «Галларгия», «Гамфренум», «Тагетис» «Бархотцы кремлевский» « Бархотцы московский», «Газания», «Мехчагули хурд», «Гули тоҷ», «Цинерария» «Лакфеола» шинонда шудааст, ки ба ҳусни ин шаҳри соҳили дарёи Сир ҳусни дигар зам хоҳад намуд.
Нет комментариев