Мӯйҳои сар ва роҳҳои нигоҳубини он

0
4 326 просмотров

Инсон бо гузашти вақт вобаста ба синну сол мӯй, абрӯ ва мижгонҳоро аз даст медиҳад, ки ин амри табиӣ мебошад. Омилҳое, ки ба рехтани мӯй, абрӯву мижгонҳо таъсир мерасонанд, ин бемориҳои пӯсти сар, ба монанди сабӯсак, вайроншавии фаъолияти ғадудҳои чарбӣ, шуои рентгенӣ (ҳангоми муолиҷаи бемории саратон), тағйироти гармонӣ ва бемории ғадуди сипаршакл, кор бо доруҳои кимиёвӣ, меросӣ будан, асабоният ва ғайра мебошанд.

САБӮСАКИ  САР  ВА ПЕШГИРӢ  АЗ  РЕХТАНИ  МӮЙ

Сабӯсаки сар ҳамроҳ бо хориш ва чарбии беш аз ҳадди пӯсти сар ё хушкии он яке аз сабабҳои асосии резиши мӯй ва кал шудан мебошад. Дар тибби расмӣ собит шудааст, ки решаи ин намуди бемории мӯй аз системаи гипофиз ва ғадудҳои таносулӣ маншаъ мегирад ва меросӣ будан, навъҳои ғизо ва бемориҳои аъзои дохилӣ низ дар он нақш доранд.

 

ПАЙДОИШИ САБӮСАКИ САР

Сабӯсакҳо худ ҳуҷайраҳои мурдаи пӯсти сар мебошанд, ки аз ҳуҷайраҳои зинда ҷудо шуда, ба шакли сабӯс берун меоянд ва мерезанд. Дар бисёрии мавридҳо ин раванд натиҷаи вайроншавии фаъолияти ғадудҳои чарбӣ мебошад, ки ба илтиҳоби пӯст мунҷар мешавад.

Тарзи муолиҷа: муолиҷаи сабӯсаки сар бояд ба созмондиҳии гардиши хун дар решаи мӯй, бартараф сохтани худи сабӯсак ва илтиҳоби пӯсти сар равона гардад.

Барои мӯйҳои равғанини сабӯсакдор пӯсти дарахти балут, гиёҳи бӯйи модарони маҳинбарг ва гули ҳамешабаҳорро гирифта, пӯсти балутро ҷӯшонед ва ин ду гиёҳро бо ҳам омехта, сарро шӯед.

Ҷиҳати аз байн бурдани сабӯсак: равғани шоҳбулут (каштан) ва керосини тозаро ба миқдори баробар бо ҳам омехта карда, ҳафтае 2 маротиба ба сар бимолед.

Барои он, ки мӯйҳоятон бармаҳал сафед нашаванд, сарро бо оби ҷӯшонидаи барги чормағз ҳафтае 2 маротиба шӯед.

Ин аст чанд маслиҳати мо оид ба нигоҳубини мӯй. Бароятон саломатии бардавом таманно дорем!

Нет комментариев

Также рекомендуем

Қурби расмии асъор барои имрӯз: 10.05.2019

Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 9.4397 сомонӣ; 1 евро – ...

Сообщить об опечатке

Текст, который будет отправлен нашим редакторам: