Маҷмааи таърихӣ — меъмории Шайх Муслиҳиддин ёдгории таърихӣ — меъмориест, ки дар маркази шаҳри Хуҷанд ҷойгир аст.
Маҷмааи таърихӣ — меъмории Шайх Муслиҳиддин аз мақбара-хонақо, масҷид аз зиёратхона, гӯрхона ва ҳуҷраҳои зиёде иборат аст. Мақбараи Шайх Муслиҳиддин ба шарафи Муслиҳиддини Хуҷандӣ — шоир, ҳокими шаҳр номгузорӣ шудааст. Мақбараи асри XII аз гӯрхонае, ки бо хишти пухта сохта шудааст иборат аст. Дар асри XIV дар ҷойи мақбара бинои наве сохта шуд, ки аз тарҳи пешина фарқ мекунад.
Ин бино ба мақбара-хонақо, яъне ҷойи намозу маросим табдил ёфта буд. Баъдтар ин ёдгорӣ боз чандин маротиба таъмир шуда аз нав сохта шудааст. Дар асри XIX дар шафати ин мақбара масҷиди бошукӯҳе бино ёфт. Ҷойи марказиро дар маҷмааи таърихӣ мақбараи Шайх Муслиҳиддин ишғол менамояд. Мақбара аз зиёратхона, гӯрхона ва ҳуҷраҳои зиёде иборат аст. Даромад ба маҷмааи таърихӣ — меъмории Шайх Муслиҳиддин озод аст.
Нет комментариев