Масъалаи пешгирии беасоси болоравии нархи чиптаи ҳавопаймоӣ дар хатсайрҳои самти Россия баррасӣ гардид

0
2 197 просмотров

Масъалаи пешгирии беасоси болоравии нархи чиптаи ҳавопаймоӣ дар хатсайрҳои самти Федератсияи Россия дирӯз зимни ҷаласа дар Агентии авиатсияи граждании назди Ҳукумати Ҷумҳурии Тоҷикистон мавриди баррасӣ қарор дода шуд. Дар ин бора ба АМИТ «Ховар» аз Агентии авиатсияи гражданӣ хабар доданд.   

Директори Агентии авиатсияи гражданӣ Икром Субҳонзода дар ин ҷаласа зикр намуд, ки мақсади ҷаласаи мазкур дар асоси дастуру супоришҳои Ҳукумати Ҷумҳурии Тоҷикистон танзим намудани нархи чиптаи ҳавопаймоӣ ва ва роҳ надодан ба болоравии беасоси он аз шаҳрҳои Ҷумҳурии Тоҷикистон ба шаҳрҳои Федератсияи Россия мебошад. Ин ҷаласаи дуюм бо намояндагони ширкатҳои ҳавопаймоии Федератсияи Россия дар Ҷумҳурии Тоҷикистон (“Сибирь”, “Ютэйр”, “Уральские авиалинии” ва “Северный Ветер”) оид ба масъалаи болозикр мебошад.

«Таҷриба нишон медиҳад, аз оғози мавсими баҳору тобистон сар карда, сафари шаҳрвандони кишвар, хусусан муҳоҷирони меҳнатӣ ба самти Федеретсияи Россия зиёд гашта, ҳолати мазкурро ширкатҳои ҳавопаймоии Россия ба фоидаи худ истифода бурда, нархи чиптаи ҳавопаймоиро бениҳоят баланд намуданд. Тавре ҳамагон медонанд, дар асоси хуруҷи бемории КОВИД-19 тамоми дунёро буҳрони молиявию иқтисодӣ фаро гирифта, дар давраи хурӯҷи бемории коронавирус даромаднокии тамоми аҳолии дунё, аз ҷумла шаҳрвандони кишварамон коҳиш ёфта, пардохтпазириашон суст шудааст. Ин омил ба он оварда расонидааст, ки аҳолии мо ҷиҳати харидорӣ намудани чипта бо нархи гарон аз бонкҳо қарз гирифта истодаанд, ки бе ин ҳам вазъияти молиявии онҳоро душвор намуда истодааст. Инчунин, дар васоити ахбори умум сару садоҳо ва норозигии шаҳрвандони кишвар нисбати баланд будани нархи чипта бениҳоят зиёд шуда истодааст», — илова намуд И. Субҳонзода.

Дар ҷаласа зикр шуд, ки ширкатҳои ҳавопаймоиро зарур аст, бар ивази баланд бурдани нархи чиптаи ҳавопаймоӣ шумораи парвозҳоро зиёд намоянд. Дар ин самт, Агентии авиатсияи гражданӣ омодааст, ки ҷиҳати иҷозати саривақтии парвозҳо дар асоси қарорҳои дахлдори Ситоди ҷумҳуриявӣ оид ба пурзӯр намудани чораҳои зиддиэпидемикӣ барои пешгирии интиқол ва пайдоиши сирояти нави коронавируси COVID-19 дар Ҷумҳурии Тоҷикистон чораҳои дахлдор андешад.

Ҳамзамон гуфта шуд, ки вобаста ба танзими арзиши чипта ба ширкатҳои ҳавопаймоии Федератсияи Россия мактуб ирсол гардида, аз онҳо мактуби ҷавоби дастрас гардид. Аммо мутаассифона нархҳои чиптаи ҳавопаймоӣ, ки дар мактуб нишон дода шудааст, риоя карда намешаванд ва нархҳо баланд мебошад.

«Бо ин мақсад аз намояндагони сохторҳои қудратӣ эҳтиромона хоҳиш менамоем, ки ҷиҳати назорати танзими нархи чипта ва роҳ надодан ба болоравии беасоси он, дар ҳамоҳангӣ чораҳои дахлдор андешида шуда, мусоидат намоянд», — тазаккур дод директори Агентӣ.

Дар ҷаласа қарорҳои зерин қабул гардиданд:

  1. Аз намояндагони ширкатҳои ҳавопаймоии Федератсияи Россия дар Ҷумҳурии Тоҷикистон (“Сибирь”, “Ютэйр”, “Уральские авиалинии” ва “Северный Ветер”) қатъиян дархост карда мешавад, ки ҷиҳати поён бурдани арзиши чиптаи ҳавопаймоӣ дар ҳамкорӣ бо ширкатҳои ҳавопаймоии Федератсияи Россия дар муҳлати 2 рӯз чораҳои дахлдор андешанд;
  2. Дар сурати поён набурдани арзиши чипта, Агентии авиатсияи гражданӣ ҷиҳати манъ намудани парвозҳо чораҳои дахлдор меандешад;
  3. Арзиши чиптаи минималӣ ва максималии хатсарҳои парвозии самтҳои Федератсияи Росси ҳармоҳа ба Агении авиатсияи гражданӣ ва Прокуратураи нақлиёти Ҷумҳурии Тоҷикистон пешниҳод карда шавад.

 

Манбаъ: АМИТ «Ховар»

Нет комментариев

Также рекомендуем

Иштироки Пешвои миллат дар намоиши театрикунонидашудаи аҳли фарҳанги вилояти Хатлон

Дар доираи сафари корӣ ба шаҳру ноҳияҳои вилояти Хатлон Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар варзишгоҳи марказии шаҳри ...

Сообщить об опечатке

Текст, который будет отправлен нашим редакторам: