Машқҳои муштараки амалиётӣ-тактикии зиддитеррористӣ доир мешавад

0
3 298 просмотров

Рӯзҳои 17-20 августи соли равон бо ҷалби сохтору мақомоти давлативу қудратии гарнизони Суғд  дар ҳудуди вилоят, бо иштироки 30 ҳазор нафар маҷмӯи машқҳои муштараки амалиётӣ-тактикии зиддитеррористӣ, бо тирпаронии ҷангӣ баргузор мегардад.

Чорабинии мазкур дар се марҳила ва дар машқгоҳҳои низомии “Чоруқдарон” ва “Нурафшон” ба таври назариявӣ ва амалӣ ҷараён гирифта, дар ҳар як ноҳия аз захираи эҳтиётии даъватшавандагон, шаҳрвандони дар қайди комиссариатҳои ҳарбибуда, техника ва лавозимоти барои баргузории маҷмӯи машқҳои амалиётӣ-тактикӣ зарурӣ истифода мегарданд.

Ҷараёни баргузории тамоми амалиёти сохтору мақомоти ба машқҳо ҷалбгардида ва омӯзиши мавзӯъҳои пешбинишуда, ҳам дар Ситоди муттаҳида ва ҳам дар машқгоҳу минтақаҳои муайяншудаи муҳофизатӣ, таҳти назорати қатъии фармондеҳии Вазорати мудофиаи мамлакат сурат мегирад.

Дар ин чорабинии нақшавӣ раисони шаҳру навоҳии вилояти Суғд ва комиссарони ҳарбӣ ширкат намуда, онҳо ба машғулиятҳои омодагии сафарбарӣ, сафороиву қадамзанӣ, тартиби дурусти ҳуҷҷатгузорӣ, тирпаронӣ аз яроқу аслиҳаи сабуки ҷангӣ ва ба омӯзиши дигар мавзӯъҳои мудофиавӣ ҷалб карда мешаванд. Дар ин чорабинӣ ҳамчунин ҷузъу томҳои сохторҳои қудратии гарнизони Суғд, яроқу аслиҳаи мухталифи оташфишон, авиатсияи ҷангӣ, 200 адад техникаи зиреҳпӯши ҳарбӣ, артиллерӣ ва автомобилӣ  сафарбар шудаанд.

Ҳадаф аз баргузории маҷмӯи машқҳои муштараки тактикӣ сайқал додани таҷрибаи ҳайати шахсии сохторҳои гарнизони Суғд, ҳамоҳанг сохтани фаъолияти сохторҳои низомии мамлакат дар сурати сар задани хатарҳои эҳтимолӣ, санҷиши дастаҳои амалиётӣ-тактикӣ, баланд бардоштани руҳияи ҷангӣ, сафарбарии қушунҳо дар самти доир кардани амалҳои ҷангии зиддитеррористӣ дар шароити дашту саҳро ва кӯҳистон мебошад.

Дар ин бора http://sugd.tj/tj/navidi-sugd/5136-mashqho.html хабар медиҳад.

Нет комментариев

Также рекомендуем

Сообщить об опечатке

Текст, который будет отправлен нашим редакторам: