Рӯзи гузашта июли соли 2017 машварати кории назди Раиси вилоят баргузор шуд. Дар машварати корӣ масъалаҳои марбут ба соҳаи кишоварзӣ, омодагии муассисаҳои таълимӣ ба соли хониш ва давраи зимистонгузаронӣ мавриди баррасӣ қарор гирифт. Абдураҳмон Қодирӣ дар оғози машварат таъкид дошт, ки масъулин бояд ҷиҳати амалӣ намудани дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар самти кишти саривақтии зироатҳо ва коркарди маҳсулоти кишоварзӣ тадбирҳои мушаххас андешанд. Зимни машварати корӣ қайд гардид, ки дар як қатор шаҳру навоҳии вилоят, аз ҷумла, Зафаробод, Конибодом, Бобоҷон Ғафуров, Истаравшан, Деваштич, Ашт, Мастчоҳ нақшаи кишти такрорӣ пурра иҷро нагардидааст. Раиси вилоят ба раисони шаҳру ноҳияҳои зикргардида дастур дод, ки бо истифода аз боду ҳавои мусоид ба кишти зироатҳои гуногуни кишоварзӣ, аз ҷумла мош, ҷуворимаккаи тезпазак ва дигар намуди сабзавот вусъат бахшида, нақшаи хешро саривақт таъмин созанд. Дар рафти машварат масъалаҳои омодагии саривақтии муассисаҳои соҳаи маориф ба соли хониши 2017-2018 ва зимистонгузаронӣ, дар сатҳи баланди ташкилӣ таҷлил намудани 26-солагии Истиқлолияти давлатии Ҷумҳурии Тоҷикистон ва 25-солагии Иҷлосияи 16-уми Шӯрои Олии Ҷумҳурии Тоҷикистон баррасӣ шуда, аз тарафи Раиси вилоят ба масъулин дастуру супоришҳои мушаххас дода шуданд.
Манбаъ: сомонаи расмии МИҲД-и вилояти Суғд
Нет комментариев