Машварати васеъи кории Раиси шаҳри Хуҷанд

0
1 013 просмотров

Дар маҷлисгоҳи Мақомоти иҷроияи ҳокимияти давлатии шаҳри Хуҷанд бо иштироки муовинони Раиси шаҳри Хуҷанд, роҳбари дастгоҳи раиси шаҳри Хуҷанд, мудирони шуъбаҳо, роҳбарони сохторҳои шаҳрдорӣ машварати васеъи корӣ баргузор шуд.
Раиси шаҳри Хуҷанд Маъруф Муҳаммадзода ҷаласаро ифтитоҳ намуда, аз ҷумла таъкид дошт, ки ҳафтаи сипаригардида дар қаламрави шаҳр бо ҳузури Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон як қатор иншооти таъиноташ гуногун ва чорабиниҳои сатҳи ҷумҳуриявӣ баргузор гардиданд.
Чунончи дар ҷараёни сафари кории худ Роҳбари Давлат дар шаҳри Хуҷанд ба кӯдакистони №3, бинои шуъбаи бозрасии давлатии автомобилии шаҳр, бинои шуъбачаи шиносномадиҳии ШКД-и шаҳр, корхонаҳои ҶДММ «Хорои Хуҷанд», ҶДММ «ЗирвЭко», зеристгоҳи «Темурмалик», меҳмонхонаи «Суғдиён» ҳусни ифтитоҳ бахшида, дар чорабиниҳои пуршукуҳи тақдими туҳфа ба 100 нафар ятимони кулли вилояти Суғд, «Иди харбуза», «Иди кадуи хонапуркун», «Иди ангур», «Иди асал», Фестивали «Оши палав» ва даври вилоятии озмуни ҷумҳуриявии «Нон шудам, шоистаи ҳар хон шудам» иштирок намуданд. Бино ба таъкиди Пешвои миллат чорабиниҳо дар сатҳи баланди ташкилӣ баргузор гардиданд.
Маъруф Муҳаммадзода ҳамзамон доир ба нуктаҳои муҳими машварати кории Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо роҳбарону фаъолони вилояти Суғд, ки санаи 24.08.2019 баргузор гардид, иттилоъ дода, масъулини дахлдорро ҷиҳати иҷрои камбудиҳо ва баррасии мушкилоти маваҷуда дастуру супоишҳои махсус дод.
Таваҷҷуҳи асосӣ ба иҷрои босифат ва баризофагии нақшаи чорабиниҳои баргузории ҷашни 30-солагии Истиқлолияти давлатии Ҷумҳурии Тоҷикистон, ки ҳадафи он вусъат бахшидан ба корҳои созандагию бунёдкорӣ, ободонию кабудизоркунӣ, таъмиру тармими биноҳои маъмурию истиқоматӣ, бунёди корхонаҳои нави саноатӣ, иншооти таъиноташ гуногун, тозаву обод намудани кўчаву хиёбонҳо, гулгашту боғҳои фарҳангию мавзеъҳои истироҳатӣ ва ғайра мебошад, ҷалб карда шуд, баҳри босифати корҳо масъулини дахлдор муваззаф гардиданд.
Раиси шаҳри Хуҷанд Маъруф Муҳаммадзода ба сохторҳои марбутаи шаҳрдорӣ ҷиҳати равнақ бахшидан ба корҳои ободонӣ, мумфаршкунии роҳҳо, азнавсозии ҷӯйборҳо, чароғонкунии кӯчаҳои шаҳр, хизматрасонии босифати оби нӯшокӣ, таъҷилӣ баровардани партовҳо ва ғайра дастуру супоришҳои мушаххас дод. Роҷеъ ба масъалаи таҳсили ғайрирасмии ҷавонон дар хориҷи кишвар ва бозгардонидани онҳо таваҷҷуҳи бештар равона гардида, таъкид гардид, ки дар ин самт раисони кумитаҳои маҳаллаҳо ва сохторҳои марбута мақомоти маҳаллӣ дар ҳамкорӣ бо мардум дар ин самт фаъолиятро ҷоннок намоянд.
Раиси шаҳри Хуҷанд Маъруф Муҳаммадзода дар анҷоми ҷаласа иштирокдорони маҷлисро баҳри иҷрои нақшаҳои пешбинишуда, равнақ бахшидан ба корҳои ободонию созандагӣ даъват намуд.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

8 САМЫХ СТИЛЬНЫХ СТРИЖЕК 2019 ГОДА

Какие тенденции в прическах будут царить на протяжении 2019 года? Какие стрижки лучше всего подойдут вашей форме лица? Давайте раскроем тенденции 2019 года и выберем ...

Сообщить об опечатке

Текст, который будет отправлен нашим редакторам: