Мастчоҳ. Ба 25 нафар ятимони кулл кӯмакҳои яквақтина ва туҳфаҳои солинавӣ супорида шуд

0
1 164 просмотров

Дар партави дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати ба ғамхории ҳамешагӣ фаро гирифтани ятимону бепарасторон дар ноҳияи Мастчоҳ ба 25 нафар ятимони кулл кӯмакҳои яквақтинаи молиявӣ ва туҳфаҳои солинавӣ супорида шуд. Дар ин бора корманди Хадамоти матбуоти Раиси вилояти Суғд Андар Раҳмонӣ ба АМИТ «Ховар» иттилоъ дод.

Иҷрокунандаи вазифаи раиси ноҳияи Мастчоҳ Аъзам Ализода фарорасии Соли нави мелодиро табрик гуфта, таъкид намуд, ки ҳар як ятим таҳти ғамхории ҳамешагии давлату Ҳукумат қарор дорад ва мо намегузорем, ки ҳеч яке аз онҳо эҳсоси танҳоӣ кунанд.

“Мо пайваста аз ҳоли ятимон, маъюбон ва бепарасторон хабар мегирем. Мо то метавонем кӯшиш ба харҷ медиҳем, ки ҳеч яке аз онҳо эҳсоси танҳоӣ накунанд. Ятимону маъюбону бепарасторон ҳамеша таҳти ғамхории давлату Ҳукумат қарор доранд”,-иброз дошт Аъзам Ализода.

Барои кӯдакон инчунин дар тарабхонаи “Шоми Мастчоҳ” дастархони солинавӣ ороста шуд, ки табъи хурдсолон болида гардид.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

Сообщить об опечатке

Текст, который будет отправлен нашим редакторам: