Дар поёни сафари корӣ ба ноҳияи Мастчоҳ Раиси вилояти Суғд Раҷаббой Аҳмадзода чун анъана ба аёдати пирони рӯзгор рафт.
Раиси вилоят аз ҳоли Толиб Гиёев ва Давлатбӣ Мирзоева хабар гирифта, ба онҳо саломативу хушбахтиҳои рӯзгорро таманно кард. Аснои суҳбат бо аёдатшудагон қайд карда шуд, ки бо ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳбарияти вилоят мунтазам аз ҳоли собиқадорон хабар гирифта, ба онҳо кӯмак мерасонад.
Таъкид гардид, ки кору пайкори насли куҳансол барои тарбияи ҷавонон мактаби бузург буда, фаъолиятҳои назаррас ва фидокориҳои пирони кор баҳри рушди соҳаҳои гуногуни хоҷагии халқ шоистаи пайравӣ мебошад.
Аёдатшудагон аз ҳусни таваҷҷуҳ ва ғамхориҳои пайваста ба Пешвои миллат муҳтарам Эмомалӣ Раҳмон сипосмандии худро баён доштанд.
Манбаъ: Хадамоти матбуоти
Раиси вилояти Суғд
Нет комментариев