Дар доираи бозиҳои даври 1/16-ниҳоии Ҷоми Фаронса дастаҳои “Пей де Кассел” ва “ПСЖ” ба ҳам омаданд. Вохӯрии дастаҳо дар варзишгоҳи “Боллар Делелис” доир шуда, бо ҳисоби бузурги 0 ба 7 ба суди меҳмонон хотима ёфт.
Голҳоро дар ҳайати дастаи шаҳри Париж Мбаппе панҷ маротиба ва Неймару Солер як маротибагӣ ба самар расониданд. Қобили зикр аст, ки ин аввалин пента-трики Килиан Мбаппе дар корномаи варзишиаш маҳсуб мешавад.Ҳамчунин Мбаппе аввалин бозигари ПСЖ гардид, ки дар таърихи бошгоҳ муаллифи пента-трик гардид.
Ҳамакнун бо ин ғалаба дастаи шаҳри Париж роҳашро ба даври 1/8-ниҳоии Ҷоми Фаронса ҳамвор кард ва бо дастаи “Марсел”, ки қаблан бар «Ренн» бо ҳисоби 1:0 пирӯз шуда буд, бозӣ хоҳад кард.
Соҳиби феълии Ҷоми Фаронса дастаи “Нант” маҳсуб мешавад.
Ҷоми Фаронса, даври 1/16-ниҳоӣ
«Пей-де-Кассел» – ПСЖ 0:7
Голҳо: Мбаппе, 29, 34, 40, 56, 79, Неймар, 33, Солер, 64
«Пей-де-Кассел»: Самсон, Сантрайн (Делкоурт, 67),Змияк, Зур, Леслерс, Рафаил, Брунил (Валдҳер, 80), Боудйема, Богдански, (Дйелема, 67),Сане (Итоуа, 55),Леганас(Рудент, 55).
ПСЖ: Навас, Пембеле (Ҳакими, 59), Рамос (Битшиабу, 67), Данилу Перейра, Мендеш (Бернат, 46), Солер, Саншеш (Фабиан Руис, 59), Витиня, Мбаппе, Экитик (Гарби, 67), Неймар.
Огоҳӣ гирифтанд: Брунил – Неймар
Манбаъ: ВАРЗИШ-ТВ
Нет комментариев