Интернет холдинги Alibaba Group намуди “меҳмонхоаи оянда”-ро бо идораи интеллекти сунъи нишон дод. Дар меҳмонхонаи “доно”, ки FlyZoo номида шудааст калидро сканери рӯй иваз намудааст, роботҳо бошанд сачоқ медиҳанду, нӯшокиҳоро омехта карда, хӯрокро ба ҳуҷраҳо мебаранд.
Бинои футуристики дар шаҳри Ханчжоу, пойтахти минтақаи Чжэсзян, ки идораи асосии Alibaba низ онҷост, ҷойгир шудааст. Дар ҳама 290 ҳуҷраҳои технологӣ смарт-шунавандаҳо насб шудаанд, ки фармоиши овозии меҳмононро интизоранд. Бо овоз меҳмонон метавонанд пардаро пӯшанд, равшаниро рост намуда, дараҷаи ҳаво, телевизор ва дигар техникаро идора кунанд.
Тартиби даромад ба FlyZoo пурра автомати кунонида шудааст: шаҳрвандони Хитой, ки рақами мушаххас доранд, ҳатто наомада тариқи сканери рӯяшон метавонанд аз қайд гузаранд. Инчунин санҷандаҳои биометрики дар лифтҳо насб шудаанд, то меҳмонон ба ошёнаҳои дигар нагузаранд.
Дар тарабхонаи меҳмонхонаи “доно” хӯроки тариқи замимаи FlyZoo фармоиш додаро, роботҳо тақсим менамоянд. Меҳмононро инчунин даст-роботи азиме хизматрасони менамояд, ки зиёда аз 20 намуд нӯшобаро тайёр намуда метавонад. Арзиш тариқи автоматики ба арзиши ҳуҷра ҷамъ карда мешавад. Як шаб дар “меҳмонхонаи доно” тақрибан 207 доллар арзиш дорад.
Барои рафтан кифоя аст, то тугмаи махсуси замимаи FlyZoo-ро пахш намояд. Ҳангоми рафтан ҳуҷра дарҳол баста шуда, маблағ аз ҳисоби онлайнии Alibaba-и истифодабаранда пардохт карда мешавад, акси рӯй бошад аз система бароварда мешавад.
Истифодаи технологияҳои муосир сарфи кормандонро ба маротиб кам намуд, иброз доштанд дар ширкат. Дар меҳмонхона одамин низ кор мекунанд, пазанда, фаррош ва дигар ёрдамчиҳо, лекин миқдори онҳо гуфта намешавад.
Нет комментариев