Дар бозии «Барселона» бо «Бетис» (4:0) дар доираи бозиҳои даври 32-юми Чемпионати Испания Ламин Ямали 15 сола дар қисми дуюми бозӣ ба майдон баромад ва ҷавонтарин бозигар дар ҳайати дастаи каталонӣ ва Ла Лига гардид.
Мактаббача дар дақиқаи 83-юм ба ҷои Гави ба майдон даромад. Он вақт ҳисоб 4 бар 0 ба фоидаи Барса буд.
Ҳамин тавр, бо майдон баромаданаш Ямал ҷавонтарин дебютант дар таърихи тими “Барселона” гардид. Ин бозигар 13 июни соли 2007 таваллуд шудааст.
Бояд гуфт, ки дар мавсими имсола Ямал дар шаш бозии Лигаи ҷавонони УЕФА ширкат карда, натиҷаҳои назаррас анҷом додааст.
Ёдовар мешавем, ки Ламин Ямал таълимгирандаи академияи футболи “Барселона” мебошад. Ӯ дар ҳайати дастаи «Барселона» (U -19) бозӣ мекард ва ба тамринҳои дастаи асосӣ пас аз ҳунарнамоии хубаш даъват шуд.
Манбаъ: Варзиш-ТВ
Нет комментариев