Истифодабарандагони азиз, имрӯз дар бахши «Падида» мехоҳам ба шумо дар бораи филми тасвирии «Барои паррандагони хурд» нақл намоям.
Ин мазмун бармеояд аз филми тасвирие бо ном «For the birds», ки аз бахши «Видеои рӯз» тамошо мекунед. Ин филми тасвирӣ ба жанри комедияи кӯтоҳ шомил буда, он аз тарафи ширкати «Пиксар» ва коргардони амрикоӣ Ралф Иглстон соли 2000 –ум таҳия шудааст. Ин филми тасвирии пуробуранг, мусбӣ ва аниматсионӣ буда, доир ба паррандаҳои бар болои симбуда нақл мекунад. Умуман дар он мо селаи гунҷишкакон ва як паррандаи калонро мебинем. Тибқи сомонаи расмии Пиксар, чор гунҷишкаки аввал дар ҳақиқат ном ва хусусиятҳои хоси худро доранд. Аз чап ба рост: Дробилка, Задира, Сноб ва Неврастеничка. Агар шумо бодиққат тамошо кунед, мебинед ки онҳо айнан мувофиқи номашон рафтор мекунанд.
Филм чунин ҷараён мегирад:
Як гунҷишкак парвозкунон ба болои симчӯб омада менишинад. Баъди лаҳзае боз як ҳамгуни ӯ омада мешинад. Аввалӣ ба қаҳр омада, ба вай доду фиғон мекунад, гӯё гуфтанист, ки «ин ҷойи ман, аз ҷойи ман бирав». Сипас боз ва боз дигар гунҷишкакон паси ҳам парида меоянд ва ҳама байни худ доду ғирев мебардоранд, мисли мазмуни боло. Пас аз андаке як парандаи калон дар наздикиашон омада менишинад ва бо онҳо салом мегӯяд. Аммо онҳо нисбати вай беҳурматӣ карда, масхараааш мекунанд. Ва он паррандаи калон дар ҷавоби ин рафтори беҷои онҳо «ҳоло истед ман ба шумоён нишон медиҳам» гӯён парида, омада дар миёни онҳо менишинад. Паррандаи калон ки вазни калон дошт, вақти нишастанаш сим ба поён ҳамел мешавад ва гунҷишкакон аз ду тарафаш ба ӯ ҷафс мешаванд. Аз ин ҳолат дигарон ба ғазаб омада, ӯро нӯл зада афтонданӣ мешаванд. Аз нӯлзании бисёр оқибат ҳарифи бечораро меғалтонанд ва ҳангоми ғалтиш, ки босуръат ҷараён мегирад, ҳамаи гунҷишкакон ба ҳаво мепаранду ӯ ба замин яксон мегардад. Бо паррандаи калон чизе рӯй намедиҳад, аммо гунҷишкакон бе ягон паре дар бадан, яъне лучу урён ба замин меафтанд. Аз тамошои ин манзара паррандаи калон қоҳ – қоҳзанон ба ҳоли ин гунҷишкакон механдад ва «шармандаҳо» якояк паси ҳарифи худ – наҷотдиҳандаашон пинҳон мешаванд. Ана ҳамин тавр, хонандагони азиз, «Чоҳкан – зери чоҳ»!!!
Пас аз тамошои ин “видеои рӯз” шумо чӣ хел маънӣ бардоштед? Оё ба шумо ҳам он маъқул гашт? Ба фикри шумо таҳиягари он ба ҳадафи худ расид? Агар ба ин филм таваҷҷӯҳ зоҳир карда бошед, пас фикру ақидаҳои хешро баён намоед.
Нет комментариев