Моҳи Рамазон моҳи раҳмату мағфират, файзу баракат мебошад. Он тамоми мардуми қишри заминро, аз ҷумла мусалмононро ба сабру таҳаммул, некиву накӯкорӣ, қаноатмандӣ ва хайру саховат даъват менамояд.
Ширкати телевизион ва радио-рекаламавии «Тироз» кулли мусалмонону ҳамватанонро бо фарорасии моҳи мубораки Рамазон шодбош мегӯяд.
Ҳамдиёрони арҷманд, дар ин моҳи муборак ба ҳамаи Шумо хонаи обод, ризқу рӯзии фаровон, тандурустӣ ва имони комилро таманно дорем. Бигузор ин моҳи тоату ибодат, раҳмату мағфират бароятон шодмониву некномӣ ва файзу баракат орад!
Лозим ба ёдоварист, ки дар давоми ин моҳи хайру саховат ва меҳрубониву накукорӣ, гурӯҳӣ эҷодии ШТРР «Тироз» тасмим гирифтааст, ки барномаҳои ҷолиби диққатро ба самъи шунавандагону истифодабарандагонаш расонад. Барномаҳои мо саропо панду ахлоқӣ буда, шунавандаи азизу арҷмандро ба поквиҷдониву қавииродагӣ, поктинатӣ, некӣ ва дасти ёрӣ дароз кардан ба барҷомондагону ятимон, бепарасторон даъват мекунад. Барномаҳои «Пандномаи бузургон», «Дурдонаҳои назм», « Рамазан-месяц благочестия», «Мудрости жизни», Олами маънавиёт» , «Саманди андешаҳо», «Аз бузургон», «Ҳадиси ҷонпарвар» аз зумраи чунин барномаҳоанд.
Ин барномаҳоро Шумо метавонед ҳар бегоҳ, аз соати 20:00 то 21:00 аз радио ва портали мо www.tiroz.org гӯш кунед.
Дар ин моҳи муборак бо мо буданро фаромӯш насозед.
Бори дигар фарорасии моҳи шарифи Рамазонро баҳратон муборакбод мегӯем!
Нет комментариев