Муҳаммадҷон Ҳабибуллоев бори дуввум роҳбарии дастаи “Регар-Тадаз”-ро бар уҳда гирифт. Ҳабибулоевро дар мансаби наваш имрӯз дар шаҳри Турсунзода муаррифӣ намуданд. Қаблан ӯ солҳои 2001 то 2013 сармураббии бошгоҳи “Регар-Тад-Аз” буд ва замони фаъолияташ дастаи мазкур 7 маротиба миёни дастаҳои Лигаи олӣ ба унвони қаҳрамонии Тоҷикистон сазовор гардида, 3 маротибаи дигар барандаи Ҷоми Президенти АФК шудааст. Инчунин таҳти роҳбарии Муҳаммадҷон Ҳабибуллоев дастаи “Регар-Тадаз” дар мусобиқоти Ҷоми Тоҷикистон оид ба футбол 5 маротиба пирузӣ ба даст овардааст. Муҳаммадҷон Ҳабибуллоев аз соли 2015 то оғози соли 2017 сармураббии бошгоҳи “Ҳосилот”-и Фархор буд. Дар ин муддат дастаи мазкур дар Лигаи якум унвони қаҳрамониро ба даст оварда, дар Лигаи олӣ мақоми дувумро сазовор гардид. Соли 2017 бошад ин мутахассис бо дастаи “Ҳосилот” соҳиби Супер Ҷоми Тоҷикистон гардид.
Манбаъ: сомонаи расмии телевизиони «Варзиш»
Нет комментариев