Мулоқоти Раиси вилоят бо намояндагони ширкати сармоягузории “Ромеда Капитал”

0
911 просмотров

Раиси вилояти Суғд Раҷаббой Аҳмадзода намояндагони ширкати сармоягузории олмониву русиягии “Ромеда Капитал”-ро ба ҳузур пазируфт.

Зимни суҳбат Раиси вилоят соҳибкорони бурунмарзиро бо ҷашни 28-солагии Истиқлолияти давлатии Ҷумҳурии Тоҷикистон табрик гуфта, изҳори боварӣ намуд, ки ҷонибҳо барои густариши ҳамкориҳо ва ҷалби сармоя ба иқтисодиёти вилоят аз имконоти мавҷуда самаранок истифода менамоянд.

Раҷаббой Аҳмадзода бо ёдоварӣ аз тадбирҳои амалишудаистода дар самти саноатикунонии босуръати кишвар таъкид дошт, ки ҷониби вилоят барои ҷалби сармояи хориҷӣ ва таъсиси корхонаҳои муштарак ҳавасманд мебошад.

Ватан Абдураҳмонов ва ҳайати ҳамроҳонаш дар аснои мулоқот зикр намуданд, ки бо вуҷуди дар хориҷ аз Тоҷикистон фаъолият доштанашон аз пешрафту шукуфоии мамлакат шод ҳастанд. Меҳмонон ҳамзамон аз фаъол гардидани чархи дуюми Нерӯгоҳи барқи обии “Роғун” изҳори хушнудӣ намуда, иброз доштанд, ки бо ҷонибдорӣ аз сиёсати созандаи Пешвои миллат муҳтарам Эмомалӣ Раҳмон барои ободии Ватан талош менамоянд.

Дар поёни мулоқот ҷонибҳо ба мувофиқа расиданд, бо тарҳрезии нақшаҳои мушаххас дар самти коркарди маъдан ва партов ҳамкорӣ  намоянд.

Манбаъ:Хадамоти матбуоти Раиси вилояти Суғд

Нет комментариев

Также рекомендуем

Омодагии “Корпоратсияи металҳои ранга ва саноати кӯҳии Хитой” ба ба татбиқи лоиҳаҳои муштараки сармоягузорӣ

Президенти Ҷумҳурии Тоҷикистон Эмомалӣ Раҳмон ҳамчунин Директори генералии Ҷамъияти Дорои Масъулияташ Маҳдуди “Корпоратсияи металҳои ранга ва саноати кӯҳии Хитой” Ҷан Келиро ба ҳузур пазируфт. Сарвари ...

Сообщить об опечатке

Текст, который будет отправлен нашим редакторам: