Бахшида ба Иди байналмиллалии Наврӯз, 20 солагии Ваҳдати миллӣ ва “Соли ҷавонон” дар варзишгоҳи марказии шаҳри Исфара фестивали бозиҳои миллӣ – варзишӣ ва мусобиқаи кушод оид ба гӯштини тарзи камарбандӣ баргузор гардид.
Дар ҷараёни ин қувваозмоӣ, ки бо ташаббуси мақомоти иҷроияи ҳокимияти давлатии шаҳр, кумитаи ҷавонон, варзиш ва сайёҳӣ, бо саҳмгузории соҳибкори маҳаллӣ Муборакшоҳ Муҳаммадҷонов доир карда шуд, беш аз 300 нафар варзишгарон аз тамоми шаҳру навоҳии вилояти Суғд ва Ҷумҳурии Қирғизистон ширкат доштанд.
Дар раванди фестивали бозиҳои миллӣ – варзишӣ, ки дар варзишгоҳи марказии шаҳри Исфара бо ширкати беш аз 10 ҳазор тамошобин сурат гирифт, мусобиқаҳо оид ба дастхобониву вазнбардорӣ ва бандкашӣ низ доир карда шуданд.
Ҷоиз ба таъкид аст, ки санаҳои 23 — 26-уми март дар шаҳри Истаравшан ва ноҳияи Деваштич низ мусобиқа оид ба гӯштини камарбандӣ баргузор гардида буд. Дар ин мусобиқаҳо садҳо нафар варзишгарони шаҳру ноҳияҳои вилоят ва Ҷумҳурии Қирғизистон иштирок намуданд ва ба ғолибон тӯҳфаҳои хотиравӣ тақдим карда шуд.
Манбаъ: http://sugd.tj/
Нет комментариев