Натиҷаи ҷудокорони тоҷик дар рӯзи охири Тashkent Grand Slam 2023

0
527 просмотров

Дар рӯзи охири мусобиқаи Тashkent Grand Slam 2023 ҷудокорон аз рӯи 5 вазн мубориза бурданд. Зери вазнҳои -78  ва ҷамъи 78 кг рақобатҳо миёни бонувон ва зери вазнҳои -90 кг, -100 кг ва +100 кг миёни мардон доир шуданд.

Тоҷикистонро чаҳор ҷудокор дар рӯзи охири мусобиқа муаррифӣ карданд.  Дар вазни то 90 кг – Комроншоҳи Устопириён бо Ҷаҳонгир Маҷидов ва зери вазни  ҷамъи 100 кг – Иброҳимҷон Элмуродов бо Темур Раҳимов  ҳунарнамоӣ карданд.

Комроншоҳи Устопириён зери вазни то 90 кг дар даври аввал муқобили ҷудокори ӯзбек Озодбек Муродов бо имтиёзи вазарӣ пирӯзӣ ба даст оварда, ба даври дуюм баромад. Дар даври дуюм Комроншоҳ муқобили ҷудокор аз  кишвари Миср — Али Ҳазем дастболо шуда, ба даври чаҳорякниҳоӣ роҳ ёфт.

Дар ин давр Комроншоҳ бо Гиовани Ферейра аз Бразилия сабқат кард. Дар ҷараёни рақобат Комроншоҳ хело хуб баромад кард ва наздик ба пирӯзӣ ҳам буд, лек дар вақти тиллоӣ аз як фориғболии ӯ Ферейра  имтиёзи иппон кард ва Устопириён ба даври тасаллобахш рафт.

Дар даври тасаллобахш Комроншоҳ бо ҷудокори ӯзбек Ҷаҳонгир Маматраҳимов қувваозмоӣ кард. Дар ин рақобат ҷудокори 20 солаи ӯзбек тавонист муқобили Комроншоҳ зафар ёбад ва барои рақобат барои нишони биринҷӣ роҳ ёбад. Комронҳшоҳи Устопириён бошад дар мақоми 7-ум мусобиқаро ба анҷом расонид.

Ҷаҳонгир Маҷидов дар вазни то 90 кг дар даври аввал муқобили ҷудокори бразилӣ Марсело Гомеси 22 сола зафар ёфт ва дар даври дуюм бо Карамноб Сагайпов аз Лубнон қуввазмоӣ кард. Дар ин рақобат ҷудокори лубнонӣ хубу беҳтар ҳунарнамоӣ кард ва тавонист, ки муқобили Ҷаҳонгир бо имтиёзи иппон музаффарият ба даст биёрад. Барои Ҷаҳонгир  дар даври дуюм Tashkent Grand Slam 2023 бебарор анҷом ёфт.

Иброҳимҷон Элмуродов зери вазни ҷамъи 100 кг дар 15 сония аз ҷудокори гурҷӣ Гела Заалашвили дар аввалин рақобаташ  мувоҷеҳи шикаст шуда, аз идомаи мусобиқа бенасиб монд.

Темур Раҳимов ҷудокори варзидаи кишвар зери вазни ҷамъи 100 кг дар даври дуюм рақобатҳоро оғоз кард. Дар ин давр Темур муқобили Эрик Абрамов аз Олмон ғалаба карда, дар даври сеюм бо Мунир Эртуг аз Туркия дар вақти тиллоӣ бо имтиёзи вазарӣ дастболо шуд.

Ҳамакнун дар даври нимниҳоӣ рақиби Темур – Татсуру Саитои 20 сола аз Ҷопон буд, ки борҳо садди роҳи ӯ дар мусобиқаҳои ҷаҳонӣ гардидааст. Ин навбат ҳам Татсуру Саито  боз садди роҳи Темур Раҳимов шуд. Дар мубориза бо ин ҷудокори сангинвазни ҷопонӣ Раҳимов  мағлуб гардид ва ҳамакнун  бо Гела Заалашвили аз Гурҷистон  барои нишони биринҷӣ мубориза мекунад.

Дар мубориза бо Гела Заалашвили ҷудокори мо Темур Раҳимов бо имтиёзи иппон мағлуб гардида, мақоми 5-умро касб кард.

Ёдовар мешавем, ки Тоҷикистонро дар мусобиқаи Tashkent Grand Slam 2023, 13 ҷудокор намояндагӣ карданд, ки миёни онҳо Эмомалии Нуралӣ (-66 кг) ба гирифтани нишони тилло ва Сомон Маҳмадбеков (-81 кг) ба гирифтани нишони биринҷӣ даст ёфтанд.

Манбаъ: Варзиш-ТВ

Нет комментариев

Также рекомендуем

Сообщить об опечатке

Текст, который будет отправлен нашим редакторам: