Ҳамлагари бразилиягии “ПСЖ” — Неймар фаъолияти худро дар Арабистони Саудӣ идома медиҳад. Неймар аллакай бо «Ал-Ҳилол» шартнома баст. Дар ин бора L’Equipe хабар медиҳад.
Ба иттилои манбаъ, Неймар бо бошгоҳи Арабистони Саудӣ шартномаи 2+1 ба имзо расонидааст, яъне шартнома барои ду сол бо эҳтимоли тамдиди як мавсими дигар аст. Рӯзҳои наздик Неймар аз муоина тиббӣ мегузарад ва маросими муаррифии футболбоз низ то охири ҳафта дар назар аст.
Тибқи иттилои ВАО ҳамлагари бразилӣ дар “Ал-Ҳилол”дар як мавсим 100 миллион евро маош мегирад. Тақрибан ҳамин маблағро бошгоҳи шаҳри Риёз барои интиқоли ҳамлагари бразилӣ ба “ПСЖ” пардохт хоҳад кард.
Ёдовар мешавем, ки Неймари 31-сола бо “ПСЖ” то моҳи июни соли 2025 шартнома бастааст. Дар мавсими гузашта ҳамлагар 29 бозӣ карда, ба задани 18 гол ва 17 партофти головар даст ёфта буд.
Дар дастаи «Ал-Ҳилол» собиқ ҳамлагари «Зенит» Малком бозӣ мекунад, ки ӯ ҳам дар тими миллии Бразилия бозӣ мекунад.
Манбаъ: Варзиш-ТВ
Нет комментариев