Нокомии ҷудокорони тоҷик дар рӯзи охири Tashkent Grand Slam 2024

0
165 просмотров

Дар шаҳри Тошканд рӯзи охири мусобиқаи Tashkent Grand Slam 2024 ҷараён дорад. Дар рӯзи охири мусобиқа рақобатҳо зери вазнҳои -90 кг, -100 кг ва +100 кг миёни мардон ва -78 кг ва +78 кг миёни бонувон сурат гирифт.

Тоҷикистонро дар рӯзи сеюм Акмал Муродов (-90 кг), Комроншоҳи Устопириён (-90 кг), Ҷаҳонгир Маҷидов (-100 кг) ва Шакармамад Мирмамадов (+100 кг) намояндагӣ карда, ноком шуданд.

Акмал Муродов (-90 кг) дар даври аввал аз Александр Сидорюк (AIN) шикаст хӯрда, аз идомаи мусобиқа бенасиб монд .

Комроншоҳи Устопириён (-90 кг) дар даври аввал озод буд ва дар даври дуюм аз Яҳор Варапайев (AIN) мағлуб шуд.

Шакармамад Мирмамадов (+100 кг) дар даври аввал аз ҷудокори турк — Мунир Эртуг шикаст хӯрд.

Ҷаҳонгир Маҷидов (-100 кг) дар даври аввал муқобили Чандран Асвини ҳиндӣ пирӯз шуда, дар даври дуюм аз Шермуҳаммад Ҷандрееви ӯзбек ноком шуд.

Ҳамин тавр, дастаи мунтахаби ҷудои Тоҷикистон бо нишони тиллои Эмомалии Нуралӣ мусобиқаи Tashkent Grand Slam 2024-ро ба анҷом расонид.

Манбаъ: Варзиш-ТВ

Нет комментариев

Также рекомендуем

Сообщить об опечатке

Текст, который будет отправлен нашим редакторам: