Бозии даври нимниҳоии Ҷоми Лигаи Англия миёни дастаҳои “Нюкасл” ва “Арсенал” ба анҷом расонид. Вохӯрии дастаҳо дар варзишгоҳи “Сент Ҷеймс Парк”-и шаҳри Нюкасл доир шуда, бо ҳисоби 2 бар 0 ба фоидаи тими мизбон анҷом ёфт. Дар бозии аввал низ “Нюкасл” дар Лондон бо ҳисоби 2 бар 0 бар “Арсенал” зафар ёфта буд.
Александр Исак дар дақиқаи 4-ум гол зад, лек бинобар ҳолати нобозӣ VAR голро бекор намуд. Дар дақиқаи 19-уми бозӣ Ҷейкоб Мерфи ҳисобро ба фоидаи “Нюкасл” боз кард.
Дар дақиқаи 52-юми вохӯрӣ Энтони Гордон ҳисобро дуболо намуд. Ин охирин гол дар бозии дастаҳо буд.
Ҳамин тавр, пас аз натиҷаи бозии рафту баргашт “Нюкасл” бо ҳисоби 4 бар 0 “Арсенал”-ро мағлуб карда, ба финали Ҷоми Лигаи Англия роҳ ёфт. Дар финал “Нюкасл” бо ғолиби ҷуфти “Ливерпул” ва “Тоттенҳэм” бозӣ мекунад.
Ғолиби феълии мусобиқа дастаи “Ливерпул” маҳсуб мешавад.
Манбаъ: Варзиш-ТВ
Нет комментариев