Тадқиқотчиён аз Донишгоҳи Токио коғази арзони электрониро барои истифода дар дисплейҳои калон, ки ҷои лавҳаҳои лексиониро мегиранд, фикр карда баромад. Дар ин бора, дар саҳифаҳои маҷаллаи Journal of Applied Physics маълумот дарҷ гардидааст. Тавсифи мухтасари онро манбаи PhysOrg медиҳад.
Дастаи таҳқиқотчиёни ҷопонӣ технологияи электронии коғазро, ки солҳои 1970-ум таҳия гардида буд, нав намуданд. Олимон дисплеи арзонро, ки барои ба сифати тахтаи мактаб истифода бурдан мусоидат мекунад, эҷод карданд.
Гуфта мешавад, ки экран аз микрозарраҳои сиёҳ ва сафеди диаметрашон тақрибан 0,1миллиметр иборат аст. Қисми сиёҳи зарра нерӯи манфӣ меорад , дар ҳоле, ки зарраи сафед нерӯи мусбӣ мегирад. Зарраҳо байни ду электродҳо ҷойгир карда шудаанд. Хангоми тағйир додани қувваи барқ, электродҳо аз заминаи сиёҳ ба сафед ё баръакс аз сафед ба сиёҳ мегузаранд.
Чунин дисплейҳо нав нестанд, вале нахустин маротиба ба система унсури назорати истифодаи майдони магнитӣ илова карда шуд. Илова ба нерӯгирии манфӣ, ҷониби тираи микрозарраҳо дорои зарраҳои магнитие мебошад, ки имконияти истифодаи экранро барои мактуб фароҳам меоварад.
Магните, ки ба рӯи экрани сафед ниҳода шудааст, зарраҳои тарафи сиёҳро ба худ мекашад. Он имконияти дар экран расм кашиданро медиҳад. Ин масъаларо қодир аст, ки магнити оддии дар яхдон буда, идора кунад.
Таҳвили шиддат навиштаҷотро тоза мекунад. Дар сурати набудани шиддат ё майдони магнитӣ, тасвир бе масрафи нерўи барқ муҳофиза карда мешавад.
Бартариҳои дисплеи навро тадқиқотчиён қувват, арзиш, ранг ва андозаҳо меноманд. Дисплей аз маводҳои нисбатан арзон ва ба афканишоти ултрабунафш тобовар, ба монанди полиакрилат, маводҳои эластикии силитсийдор (кремниевый эластомер) ва равғани силитсийдор тайёр шудаанд. Сохтори оддӣ барои истеҳсоли дисплейҳои калон-формат мусоидат мекунад, таркиби рангӣ бошад, метавонад ба осонӣ ба воситаи зарраҳои гуногуни пигментӣ тағйир ёбад.
Муҳаққиқон мегӯянд, ки коғази нави электронӣ асоси лавҳаҳои электронии арзону оддӣ ва сарфакунандаи нерӯ барои омӯзишро ташкил медиҳанд. Онҳо ҷои тахтаҳои электронии анъанавии мактабиро, ки дар асоси дисплейҳои моеи булӯрин сохта шудаанд ё дорои проекторҳои хеле гарон буда, дар равшанӣ на чандон хуб намоёнанд, вазнин ва энергиябесамар мебошанд, хоҳанд гирифт.
Айни замон ҳайат барои беҳтар намудани равшании дисплей, бо зиёд гардидани шумораи пигментҳои сиёҳ ва сафед дар микрозарраҳо корбарӣ намуда истодааст.
Хулоса, муҳаққиқон чунин ақида доранд, ки коркарди онҳо барои кам кардани вобастагии одамон ба коғази анъанавӣ мусоидат хоҳад кард.
Сарчашма: http://hi-news.ru/
Нет комментариев