Дар назди китобхонаи вилоятиии ба номи Тошхоҷа Асирии маркази вилоят ярмарка-фурӯши лавозимот ва либоси ягонаи мактабӣ ташкил гардид.
Раиси шаҳри Хуҷанд Маъруф Муҳаммадзода зимни ифтитоҳи ярмарка-фурӯши лавозимот ва либоси ягонаи мактабӣ иброз дошт, ки омўзгорон ва толибилмони муассисаҳои таълимии шаҳри Хуҷанд ҳамасола баҳри иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва нишондодҳои Раиси вилояти Суғд Раҷаббой Аҳмадзода кўшишу ғайрат намуда, баҳри дар амал татбиқ намудани Дастурамали Вазорати маориф ва илми Ҷумҳурии Тоҷикистон “Дар бораи либоси тавсиявии хонандагони муассисаҳои таълимӣ” иқдомҳои нав ба навро пеш гирифта истодаанд.
Мақомоти иҷроияи ҳокимияти давлатии шаҳри Хуҷанд бо мақсади таъмини хонандагони мактабҳо бо либоси ягонаи мактабӣ ва бедор намудани завқи зебоипарастӣ дар ниҳоди хонандагон тасмим гирифт, ки ҳар як мактаб дар намуди алоҳида соҳиби либоси мактабии худ гардад. Дар соли хониши 2018-2019 бо 12 коргоҳҳои дўзандагии шаҳр шартнома ба имзо расонида шудааст ва ин корхонаҳо муваззаф гардидаанд, ки хонандагони шаҳро бо либоси мактабӣ таъмин намоянд.
Раиси бахши суғдии Иттифоқи нависандагони Тоҷикистон, Шоири халқии Тоҷикистон Аҳмадҷони Раҳматзод дар бораи саҳми устодон дар таълиму тарбияи наврасону ҷавонон баромад намуда, аз ҷумла афзуд, ки устод дар тарбияи маънавии инсон нақши бориз дорад ва мо бояд дарк намоем, ки зиндагии ояндаи пурсаодати мо аз устод сахт вобаста аст.
Сипас, аз тарафи роҳбарияти шаҳри Хуҷанд ба 200 нафар хонандагон аз оилаҳои ниёзманди шаҳр либосҳои мактабӣ тақдим карда шуд.
Ҷоиз ба зикр аст, ки ярмарка-фурӯши лавозимот ва либоси ягонаи мактабӣ дар мавзеъи номбурда 10 рӯз идома меёбад.
Манбаъ: Дафтари матбуоти Раиси шаҳри Хуҷанд
Нет комментариев