Бахшида ба Рӯзи ҷавонони Тоҷикистон рӯзҳои 14 ва 15 майи соли равон дар ноҳияи Мастчоҳ мусобиқаи кушоди вилоятӣ оид ба шоҳмот барои дарёфти Ҷоми Раиси вилояти Суғд баргузор гардид.
Мусобиқаи мазкур дар Ҷамоати шаҳраки Бӯстони ноҳияи Мастчоҳ ҷараён гирифт ва дар он шоҳмотбозон аз Тоҷикистону Ӯзбекистон ва Қирғизистон ширкат варзиданд.
Бино ба иттилои бахши кор бо ҷавонон ва варзиши ноҳияи Мастчоҳ миёни бонувон ҷойи якумро Сардорова Робияхон аз Ҷумҳурии Ӯзбекистон, ҷойи дуюмро Саидова Рухшона аз Ҷумҳурии Тоҷикистон ва ҷойи сеюмро Абдулатипова Зарнигор аз Ҷумҳурии Ӯзбекистон соҳиб гардиданд.
Дар мусобиқаи вилоятӣ оид ба шоҳмот миёни мардон бошад ҷойи якум насиби Собиров Асилбек аз Ҷумҳурии Ӯзбекистон, ҷойи дуюм насиби Иномҷонов Маъруфҷон аз Ҷумҳурии Тоҷикистон ва ҷойи сеюм насиби Сатибаев Акилбек аз Ҷумҳурии Қирғизистон шуд.
Ба ғолибон аз тарафи намояндагони Мақомоти иҷроияи ҳокимияти давлатии вилояти Суғд ва Раёсати кор бо ҷавонон ва варзиши вилоят Ҷом, медал, диплом ва туҳфаҳои пулии Раиси вилояти Суғд супорида шуд.
Манбаъ: Хадамоти матбуоти Раиси вилояти Суғд
Нет комментариев