Омӯзиши Забони тоҷикӣ дар донишгоҳҳои олии Маскав

0
1 780 просмотров

Оғоз аз 5 октябри соли 2009 ҳамасола Рӯзи забони давлатии Ҷумҳурии Тоҷикистон на танҳо дар саросари кишвар, балки берун аз он бо шаҳомати хосса таҷлил мегардад. Маҳз дар ҳамин рӯз, 5 октябри соли 2009 Қонун “Дар бораи забони давлатии Ҷумҳурии Тоҷикистон”  қабул шуда буд, ки он  дурнамои рушди забони давлатиро дар асоси меъёрҳои муқарраргардида дар иртибот бо вазъи ҳуқуқии забони давлатӣ, аз ҷумла меъёрҳои истифодаи дигар забонҳо дар шароити кунунии муносибатҳои дохилӣ ва хориҷии кишвар танзим ва муқаррар менамояд.Ҳоло дар якчанд донишгоҳи олии шаҳри Маскав таълими забони тоҷикӣ ба роҳ монда шудааст, ки донишҷӯёни хориҷӣ на танҳо ба омузиши забон балки ба фарҳангу таърихи миллати тоҷик ошно мешаванд. Забони тоҷики дар Донишгоҳи давлатии забономузии Маскав, Пажуҳишгоҳи кишварҳои Осиё ва Африқои Донишгоҳи давлатии Маскав, Институти давлатии муносибатҳои байналмилалии Маскав ва ғайраҳо омӯзонида мешавад.

Sputnik Тоҷикистон вобаста ба рафти омӯзиши забони тоҷикӣ дар пойтахти Русия бо омӯзгорони ва донишҷӯёни забони тоҷикӣ мусоҳиба анҷом дод. Дар рафти суҳбат маълум гардид, ки ҳар яке чӣ аз дохили омӯзгорон ва чӣ донишҷӯёни забони тоҷикӣ вобаста ба забони тоҷикӣ дар худ воқеаҳои аҷиберо ба ёд меоваранд.
Хушқадамова Ҳалима Отамбековна, доктори улуми ҷомеашиносӣ, дотсент, профессори кафедраи забонҳои ҳиндуэронӣ ва африқоии Институти давлатии муносибатҳои байналмилалии Маскав(МГИМО), аъзои Иттифоқи нависандагон ва рӯзноманигорони Тоҷикистон, аз соли 2008 дар донишгоҳҳои олии  Русия устоди  забони тоҷикӣ ҳаст.

Вай дар мусоҳиба ба Sputnik Тоҷикистон тавзеҳ дод, ки дар солҳои 90-уми асри гузашта баъди дифои рисолаи номзадӣ дар Маскав ба ҳайси дипломат фаъолият мекард. Он вақтҳо нависандаи машҳури тоҷик, Сотим Улуғзода дар пойтахти Русия ба сар мебурданд. Муаллима аз аҳволи устод Улуғзода тез тез хабар гирифта, аз суҳбатҳояшон ғизои маънавӣ мегирифтаанд.
Хушқадамова меболад, ки рӯзе расиду ӯ васияти устод Улуғзодаро ба ҷо оварда тавонист. Ва ин ҳам ҳангоми иштирок дар барномаи телевизионии “Чӣ бояд кард?”- и рӯзномнигори машҳури рус Виталий Третьяков (Он вақт шабакаи Фарҳанги Русия)  рух дод. Баъди  он ӯро ба ҳайси устоди  забони тоҷикӣ ба  Донишкадаи кишварҳои Осиё ва Африқои назди Донишгоҳи давлатии Маскав ба номи М.В.Ломоносов даъват карданд.

Вобаста ба омӯзиши забону фарҳанги тоҷикон дар Маскав ва рӯзҳои аввали кор дар донишгоҳи олӣ Ҳалимаи Хушқадам назарашро чунин баён кард:

“Бояд бигӯям, ки соли 2008 омӯзиши забони тоҷикиро ба донишҷӯёни Донишкадаи кишварҳои Осиё ва Африқо оғоз кардам. Аз дарсҳои аввал ҳис кардам, ки ҷавоне бо номи Иван ба фанни банда шавқ надорад. Баъди чанд дарс аз ӯ сабабашро пурсидам ва ӯ ҷавоб дод, ки мумкин аст росташро бигӯям? Ман, албатта,сари тасдиқ ҷунбондам. “Ин забони муҳоҷирони меҳнатӣ аст, ман пагоҳ донишгоҳро тамом кунам кӣ мешавам бо ин забон, оё ҷои кор пайдо карда метавонам”-гуфт ӯ. Ман ба ӯ иҷозат додам, ки метавонад ба дарсҳо наояд. Баъди чанде вай наздам  омад ва гуфт, ки тасмимашро иваз кардааст ва мехоҳад ҳамроҳи дигар шарикдарсонаш забони форсии тоҷикиро омӯзад”.

Албатта аз он вақт то имрӯз тағйиротҳои зиёде чӣ дар ҷомеаи Тоҷикистон ва чӣ дар Русия ба амал омаданд, донишҷӯён ҳам дигар шудаанд. Ва ҳоло шогирдони Ҳалима Хушқадамова баъди хатми бакалавр дар магистратура ҳам аз рӯи ихтисоси забони тоҷикӣ таҳсилро идома медиҳанд.

Манбаъ: Sputnik.tj

Нет комментариев

Также рекомендуем

Опубликована программа визита Эмомали Рахмона в Узбекистан

Переговоры в узком и широком кругах, подписание двусторонних документов и поездка в Самарканд — в программе государственного визита президента Таджикистана Эмомали Рахмона в Узбекистан. Пресс-секретарь президента Комил Алламжонов рассказал на своей Facebook-странице о программе государственного визита ...

Сообщить об опечатке

Текст, который будет отправлен нашим редакторам: