Чанде қабл дар шаҳри Гулистон (собиқ Қайроққум) дар доираи Соли ҷавонон муҳориботи ҷанги дастӣ, Чемпионати Осиё байни наврасон ва ҷавонон баргузор гардид. Ташкилкунандагони чемпионат тренер-мураббиҳои номдору маъруф Фарҳод Аҳмадҷонов ва Зариф Қӯзиев буданд.
Дар Чемпионат варзишгарони зиёда аз 10 давлати Осиё иштирок доштанд.
Аз Ҷумҳурии Тоҷикистон танҳо 4 нафар чемпион шуданд ва ҳамчунин бисёр ҷойҳои намоёни 2-3-юмро ишғол карданд.
Варзишгари умедбахши Тоҷикистон Ҷонибек Қодиров бо тайёрии ҳамаҷониба ва машқи пухта ба ин мусобиқа омад. Аввалин ҳарифи ӯ аз Ҷумҳурии Ӯзбекистон буд, ки вайро мағлуб кард. Ҳарифи финалии Ҷонибек аз Қазоқистон буд.
Ҳамин тавр, ҳарду варзишгарро шикаст дода, дар синну соли 16-17сола дар вазни 70 кг Чемпиони Осиё дониста шуд.
Аслан аз ин пеш, Ҷонибек Қодиров финалисти Ҷоми ҷаҳон оид ба муқовимати ҷанги дастӣ (FCF-MMA) ва чемпиони бисёркаратаи ҷумҳуриявӣ ва вилоятӣ мебошад.
Чунин ғалабаи бузургро барои Ҷонибек Қодиров табрик намуда, умед дорем, ки минбаъд низ дар мусобиқаҳои ҷумҳуриявиву байналмилалӣ Парчами Тоҷикистонро баланд мебардорад.
Нет комментариев