Ошкор гаштани 91 тонна намаки ғайристандартӣ дар минтақаи Кӯлоб

0
1 045 просмотров

Соли сипаришуда аз ҷониби мутахассисони Раёсати стандартизатсия, метрология, сертификатсия ва нозироти савдо дар минтақаи Кӯлоб дар ҳафт ҳолат 91 тонна намаки ғайристандартӣ ошкор карда шуд. Аз ҷумла, дар корхонаи истеҳсолии ҶДММ «Шуҳрат ЛТД» 4 тонна, ҶДММ «Сунатуллоҳ» — 10, ҶДММ «Диловар Н» — 15, ҶДММ «Зоир — А » 15 тонна, инчунин аз соҳибкорони инфиродӣ Ҷ. Икромов 10 тонна, А. Шамсиддинов — 12 ва ҶСК «Хоҷа Муъмин»-и ноҳияи Восеъ 25 тонна, хабар доданд ба АМИТ «Ховар» дар Раёсати мазкур.

-Ҳамчунин соли гузашта Раёсат дар 665 марказҳои савдо, хӯроки умумӣ ва нуқтаҳои фурӯши сӯзишворӣ санҷиш гузаронид. Дар натиҷаи санҷиш барои риоя накардани қоидаҳои савдо нисбат ба 609 соҳибкор дар асоси талаботи Кодекси ҳуқуқвайронкунии маъмурии Ҷумҳурии Тоҷикистон санади маъмурӣ тартиб дода шуд, ки онҳо ба маблағи 85 ҳазору 500 сомонӣ ҷарима гардиданд, -афзуд манбаъ.

Тибқи иттилои масъулин, cоли 2021 аз тарафи кормандони шуъбаи санҷиш оид ба риояи талаботи регламентҳои техникӣ ва ҳуҷҷатҳои меъёрии техникӣ дар маҷмааи агросаноатӣ бо дархости соҳибкорони шаҳру минтақаи Кӯлоб дар фаъолияти 325 корхонаҳои истеҳсолӣ корҳои сертификатсионӣ гузаронида шуд.

Раёсати стандартизатсия, метрология, сертификатсия ва нозироти савдо дар минтақаи Кӯлоб ҷиҳати пешгирӣ намудани воридоти маҳсулоти пастсифат ва муҳлати истеъмолашон гузашта пайваста тадбирҳои муассир меандешад.

Манбаъ: АМИТ «Ховар»

Нет комментариев

Также рекомендуем

Сообщить об опечатке

Текст, который будет отправлен нашим редакторам: