Озмуни ҷумҳуриявии “Маданияти андозсупорӣ–баҳои бофарҳангии ҷомеа” доир мегардад

0
1 881 просмотров

 

Ба самъи шаҳрвандон, аз ҷумла хонандагони муассисаҳои таҳсилоти миёнаи умумӣ, донишҷўёни таҳсилоти ибтидоӣ, миёна ва олии касбӣ ва соҳибкорон мерасонем, ки дар асоси фармоиши Раиси Кумитаи андози назди Ҳукумати Ҷумҳурии Тоҷикистон Озмуни ҷумҳуриявии “Маданияти андозсупорӣ–баҳои бофарҳангии ҷомеа” доир мегардад. Тибқи Низомнома Озмун аз рўи номинатсияҳои зерин гузаронида мешавад:

а) номинатсияи расми беҳтарин – зери унвони «Андоз аз нигоҳи наврасон» барои хонандагони муассисаҳои таҳсилоти миёнаи умумӣ;

б)  номинатсияи «Беҳтарин донандаи Кодекси андози Ҷумҳурии Тоҷикистон» – барои донишҷўёни таҳсилоти ибтидоӣ, миёна ва олии касбӣ, шаҳрвандон ва соҳибкорон.

Озмун дар се давр гузаронида мешавад:

а) даври якуми Озмун дар шаҳру ноҳияҳои Вилояти Мухтори Кўҳистони Бадахшон, вилоятҳои Суғд, Хатлон, ноҳияҳои шаҳри Душанбе ва шаҳру ноҳияҳои тобеи ҷумҳурӣ то 15 июни соли 2021 баргузор мегардад.

б) даври дуюми Озмун дар марказҳои маъмурии Вилояти Мухтори Кўҳистони Бадахшон, вилоятҳои Суғду Хатлон, шаҳри Душанбе ва барои ғолибони даври якуми шаҳру ноҳияҳои тобеи ҷумҳурӣ, дар Кумитаи андоз  то 15 августи соли 2021 доир мегардад.

Дар даври дуюми Озмун танҳо ғолибони дар даври якум ҷойи аввалро ишғолнамуда, иштирок менамоянд.

в) даври сеюм — ниҳоӣ дар Кумитаи андози назди Ҳукумати Ҷумҳурии Тоҷикистон то 15 октябри соли 2021 баргузор гардида, Озмун ҷамъбаст мегардад.

Дар даври сеюм ҳамаи ғолибони дар даври дуюм ҷойҳои якум, дуюм ва сеюмро ишғолнамуда, иштирок менамоянд.

Барои номинатсияи гуруҳи якум — хонандагони муассисаҳои таҳсилоти миёнаи умумӣ:

— ғолибони даври якум ва дуюми Озмун, ки ҷойҳои якум, дуюм ва сеюмро ишғол намудаанд (се нафарӣ барои ҳар як ҷой) бо сипосномаҳои мақомоти иҷроияи маҳаллии ҳокимияти давлатӣ ва туҳфаҳои хотиравии мақомоти андоз мукофотонида мешаванд;

— ғолибони даври сеюми Озмун (ниҳоӣ) бо ифтихорнома, туҳфаҳои хотиравии Кумитаи андоз ва маблағҳои пулӣ мукофотонида мешаванд.

Мукофотҳои пулӣ:

  • барои ҷойи якум – барои 3 нафар ғолиб (барои ҳар як ғолиб) 5,0 ҳазор сомонӣ;
  • барои ҷойи дуюм – барои 3 нафар (барои ҳар як ғолиб) 3,0 ҳазор сомонӣ;
  • барои ҷойи сеюм – барои 3 нафар (барои ҳар як ғолиб) 2,0 ҳазор сомонӣ.

Барои номинатсияи гуруҳи дуюм — донишҷўёни таҳсилоти ибтидоӣ, миёна ва олии касбӣ, шаҳрвандон ва соҳибкорон:

— ғолибони даври якум ва дуюм, ки ҷойҳои якум, дуюм ва сеюмро ишғол намудаанд (се нафарӣ барои ҳар як ҷой), бо сипосномаҳои мақомоти иҷроияи маҳаллии ҳокимияти давлатӣ ва туҳфаҳои хотиравии мақомоти андоз мукофотонида мешаванд.

— ғолибони даври сеюми озмуни ҷумҳуриявӣ (ниҳоӣ) бо ифтихорнома, туҳфаҳои хотиравии Кумитаи андоз (ноутбук ва табақчаи хотиравӣ) ва маблағҳои пулӣ мукофотонида мешаванд.

Мукофотҳои пулӣ:

  • барои ҷойи якум – барои 3 нафар ғолиб (барои ҳар як ғолиб) 10 ҳазор сомонӣ;
  • барои ҷойи дуюм – барои 3 нафар (барои ҳар як ғолиб) 7,0 ҳазор сомонӣ;
  • барои ҷойи сеюм – барои 3 нафар (барои ҳар як ғолиб) 5,0 ҳазор сомонӣ.

Натиҷаҳои Озмун дар сомонаи Кумитаи андози назди Ҳукумати Ҷумҳурии Тоҷикистон, ҳафтаномаҳои «Боҷу хироҷ» ва дигар воситаҳои ахбори оммаи маҳаллӣ ва ҷумҳуриявӣ нашр ва пахш карда мешаванд.

Телефон барои тамос 6 — 59 – 80 : 92 744 6712

Манбаъ: Кумитаи андози назди Ҳукумати Ҷумҳурии Тоҷикистон

Нет комментариев

Также рекомендуем

Сообщить об опечатке

Текст, который будет отправлен нашим редакторам: