Дар идомаи ҳафтаи фарҳанги ВМКБ дар вилояти Суғд, меҳмонон дар шаҳри Хуҷанд бо фаъолияти Минтақаи озоди иқтисодии “Суғд” шинос шуданд. Сипас меҳмонон-иштирокчиёни ҳафтаи фарҳанги ВМКБ дар вилояти Суғд ба Донишгоҳи давлатии Хуҷанд ба номи академик Бобоҷон Ғафуров ташриф оварда, аз дастовардҳои илмӣ ва эҷодии устодону донишҷуёни ин боргоҳи маърифат ошноӣ пайдо намуданд.
Ҳамзамон дар ҷараёни ташрифи хеш меҳмонон аз осорхонаи зоологияи факултети биология-химия, лабараторияи кафедраҳои физикаи умумӣ ва ҷисмҳои сахт ва электроника, намоиши рассомон, наққошон, кандакорон, сарояндагон, навозандагон, дӯзандагон ва дигар дастовардҳои устодону донишҷӯёни факултетҳои санъат, санъати тасвирӣ ва технология дидан намуданд. Нимаи дуюми рӯз меҳмонон ҳамчунин аз Маҷмааи таърихию фарҳангии “Қалъаи Хуҷанд”-и маркази вилоят ва коргоҳи “Дугонаҳо”-и ноҳияи Бобоҷон Ғафуров боздид намуданд.
Манбаъ: сомонаи расмии МИҲД-и вилояти Суғд
Нет комментариев