24 октябр Раиси вилояти Суғд Раҷаббой Аҳмадзода бо роҳбари ширкати “Медовед”-и Федератсияи Русия Дмитрий Дилдин мулоқот намуд.
Раиси вилоят зимни суҳбат таъкид кард, ки дар бо дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилояти Суғд ба рушди соҳаи кишоварзӣ таваҷҷуҳи хоса зоҳир мегардад. Дар ин раванд занбўриасалпарварӣ низ сол аз сол рушд ёфта, дар назар аст, ки то соли 2021 истеҳсоли асал то ба 3 ҳазор тонна расонида шавад.
Иттилоъ дода шуд, ки алҳол, дар ҳудуди вилоят наздик 70 ҳазор оилаи занбўри асал парвариш ёфта, асали дар вилоят истеҳсолшаванда аз ҷиҳати экологӣ тоза буда, асосан аз гули зардолу, пахта, ширеш, кавар, офтобпараст, аврук, юған ва дигар растаниҳои энтономофилӣ гирифта мешавад ва пурра барои содирот нигаронида шудааст.
Дмитрий Дилдин бо изҳори сипос аз истиқболи самимӣ иброз дошт, ки хостори густариши равобит аст ва ширкати “Медовед” метавонад аз асали дар Суғд истеҳсолшавандаро ба бозори Русия дастрас намояд.
Ҷонибҳо дар фарҷоми мулоқот изҳори боварӣ карданд, ки робитаҳоро тақвият бахшида, барои содироти асал аз Суғд аз имкониятҳои мавҷуда самаранок истифода бурда мешавад.
Манбаъ: Хадамоти матбуоти
Раиси вилояти Суғд
Нет комментариев