Пике бо ашк ибрози тарки мунтахаби Испания намуд. Муҳофизатгари бошгоҳи “Барселона” ва мунтахаби Испания Херард Пике, бо ашк дар чашм иброз намудааст, ки омодааст мунтахаби миллии кишварашро тарк намояд. Агар нафаре аз роҳбарият ӯро ҳамчун мушкилсоз ва ранҷофар ҳисобида бошад. “Агар, нафаре аз роҳбарон ё федератсияи футболи Испания ба он бовар дошта бошад, ки ман метавонам мушкилсоз ва ранҷофар бошам баро мунтахаби кишвар, пас ман омодаам онро тарк намоям” – иқтибос меорад суханҳои Пикеро маҷаллаи “Marca”. Санаи 1 октябр Пике барои мустақилияти Каталония овоз дод ва қаблан низ сокинони ин манотиқро барои овоздиҳӣ даъват намуда буд. Расонаҳои хабарии Испания иттилоъ медиҳанд, ки Пике миёни он футболбозони “Барселона” тарафдори мавқуф гузоштани бозии даври 7-уми Ла Лига бар зидди “Лас Палмас” шомил буд. Ин бозӣ бидуни мухлис баргузор гардида, бо ҳисоби 3:0 ба фоидаи дастпарварони Эрнесто Валверде ба анҷом расид. Новобаста ба пешниҳоди “Барселона”, федератсияи футболи Испания бозиро тибқи ҷадвали тасдиқгардида 1-уми октябр баргузор намуд. Референдум оид ба истиқлолияти Каталония санаи 1-уми октябр баргузор гардид. Мақомотҳои қудратии Испания кӯшиш намуданд, ки монеаи баргузории ин маърака гарданд, аммо новобаста аз ин мақомоти маҳаллӣ тавонист онро баргузор намояд. Дар баъзе мавридҳо муноқиша байни сокинон ва мақомотҳои қудратӣ ба назар гирифта шуд.
Манбаъ: сомонаи расмии телевизиони «Варзиш»
Нет комментариев