Дар бозии дӯстона байни дастаҳои “Реал” ва “Барселона”, ки дар шаҳри Майами ИМА баргузор мешавад, арзиши як чипта 10 ҳазор доллари амрикоӣ муқаррар шудааст. Чиптаҳои бозии мазкур дар муддати 20 дақиқа фурӯхта шудаанд. Дар мусобиқаи Ҷоми байналмилалии қаҳрамонҳо, ки дар ИМА баргузор мешавад, “Барселона” инчунин бо дастаҳои “Ювентус” ва “Манчестер Юнайтед” бозии рафиқона анҷом медиҳад. Бошгоҳи “Реал” бошад, бо тимҳои “Манчестер Сити” ва “Манчестер Юнайтед” рақобат мекунад. Ёдовар мешавем, ки вохӯрӣ байни “Реал” ва “Барселона” дар мусобиқаи Ҷоми байналмилалии қаҳрамонҳо маротибаи дуюм мебошад. Дидори аввалини дастаҳо соли 1982 дар Венесуэла бо пирӯзии “Реал” (1:0) хотима ёфта буд.
Манбаъ: www.varzishtv.tj
Нет комментариев