Olá amigos. Инак оғоз менамоем бо хабарҳои нав. Дар бозии ниҳоӣ аз рӯи намуди шамшербозӣ дар байни занон ду варзишгари Русия қувва озмуданд. Яна Егорян аз болои Софя Великая ғалаба кард.
Дар мусобиқаҳои даставӣ дар намуди гимнастика байни мардон Русия мақоми дуюмро соҳиб гашт, медали тилло бошад, насиби дастаи Ҷопон гардид. Дар намуди тирандозӣ аз милтиқи ҳавоӣ дар масофаи 10 метр ғалаба насиби варзишгар аз Италия Никколо Камприанӣ, ҷойи дуюм насиби варзишгар аз Украина Сергей Кулиш ва медали биринҷӣ насиби Владимир Масленников аз Русия шуд. Юлия Ефимова дар намуди шиноварӣ дар масофаи 100 метр медали нуқра ва Лили Кинг аз ИМА медали тилло ба даст оварданд.
Дар варзиши намуди тирандозӣ аз пойга дақиқтар аз ҳама Йосип Гласнович аз Хорватия дониста шуд. Пурқувваттаринҳоро дар вазнбардорӣ низ муайян намуданд. Дар байни занон то 58 кг ғалабаро Сукания Срисурат аз Таиланд, дар байни мардон то 56 кг Оскар Фигероа аз Колумбия соҳиб шуданд. Медали биринҷӣ насиби варзишгари қазоқ Фарҳод Харкӣ гардид. Дар намуди дзюдо низ барои соҳиб шудан ба медалҳо рақобат пурзӯр буд. То 73 кг варзишгар аз Ҷопон Сохэй Оно ғолиб баромад, медали нуқра насиби Рустам Оруҷева аз Озарбойҷон ва медали биринҷӣ насиби Лаша Шавдатуашвилии Гурҷистон шуд. То 57 кг бо дастгирии оммаи ватанӣ варзишгарзан аз Бразилия Рафаэла Силва ғалаба ба даст овард. Дар мусобиқаи ниҳоии регбӣ-7 бошад, дар байни занон варзишгарони Австралия дастаи Зеландияи Навро бо ҳисоби 24:17 мағлуб намуданд.
Дар ҳавзи шиноварӣ дар ннамуди озоди 4 то 100 байни мардон Амрикоиҳо ғалаба ба даст оварданд. Дар масофаи 200 метр аз рӯи намуди озод дар байни мардон Сунь Яни Хитой ғолиб дониста шуданд. Дар 100 метр байни занон Катинка Хоцзу аз Венгрия, дар байни мардон бошад, Райан Мерфӣ аз ИМА ғалаба намуданд.
Дар рӯзи сеюми мусобиқаҳо асосан дар намуди тирандозӣ аз милтиқи ҳавоӣ дар масофаи 10 метр Никколо Камприанӣ аз Италия, дар шиноварии даставӣ дар масофаи 200 метр Катинка Хоцзу аз Венгрия, дар 100 метр Лили Кинг аз ИМА рекордҳои олимпӣ гузошта шуданд.
Варзишгарзани волейболбоз Екатерина Косьяненко низ аз рӯи шумораи эйсҳо дар як бозӣ рекорди олимпиро ба ҷо гузошт, онҳо 8 то буданд!
Сокини шаҳри Санкт-Петербург то шаҳри Рио-де-Жанейро пиёда дар муддати 496 рӯз рафта расид ва рекорди нави ҷаҳониро гузошт. Саёҳати хешро марди 59-сола Сергей Лкуянов санаи 1-уми апрели соли 2015 оғоз карда, дар ниҳоят санаи 7-уми август ба мақсадаш расид.
Чемпиони шашкаратаи олимпӣ Усэйн Болт рақси самбо карда, нишасти хабариро тарк кард. Дар ҷамъомади махсус барои журналистон дар театри калонтарин ташкил намуда, Болт ба саволҳои ВАО ҷавоб дод. Толори театр пур аз одам буд. Сӯҳбати Болт бо хабарнигорон беш аз як соат давом кард.
Чемпионкаи олимпӣ аз Косово Майлинда Кельмендӣ мумкин аст дар қаламрави Фаронса боздошт гардад, иттилоъ медиҳад The Guardian бо истинод ба Федератсиияи байналмилалии дзюдо (IJF). Бино ба иттилои манбаъ, Келмендӣ моҳи июн супоридани пешобро барои гузаронидани ташхиси ғайринавбатӣ дар истироҳатгоҳи Сен-Сиприени Фаронса рад кард.
Вазнбардор Томаш Зелинский аз иштирок дар Олимпиада-2016 дар Рио-де-Жанейро аз сабаби натиҷаи мусбати озмоиши допингӣ маҳрум карда шуд. Гуфта мешавад, ки дар намунаи чемпиони кунунии Аврупо (дар вазни беш аз 94 кг) маводи мамнӯъи нандролон пайдо шуд.
Роҳбари Ассотсиатсияи миллии кумитаҳои олимпӣ қарори МПК-ро оид ба барканории дастаи мунтахаби Русия аз иштирок дар параолимпиада-2016 ноадолатона номид. Ба андешаи ӯ, МПК бояд қарори МОК-ро дастгирӣ мекард ва ба ташкиилотҳои варзишии байналмилалӣ имконият медод, то тақдири иштирокчиёни параолимпии Русияро ҳал намоянд.
Имрӯз боз ҳам ба Анвар Юнусов дар бозии ҳаштякфиналӣ (1/8) мухлисӣ менамоем. Ӯ бо варзишгар аз Бразилия Робсон Кончекьяо рақобат менамояд.
Имрӯз дар бозиҳои 31-уми тобистонаи олимпӣ 15 маҷмӯи медалҳо бурд карда мешаванд. 4 медал дар намуди шиноварӣ, 2-тогӣ дар дзюдо, вазнбардорӣ ва аспдавонӣ, 1-тогӣ медал дар намуди гимнастикаи варзишӣ, заврақронӣ ва каноэ, ҷаҳидан ба об ва шамшербозӣ.
Пас аз рӯзи сеюми бозиҳо дар мақоми аввал ИМА ва Хитой бо 5 медали тилло қарор доранд. Австралия соҳиби 4 медали тилло аст.
Тамошо кардани Олимпиадаро давом медиҳем.
То вохӯрии минбаъда!
Нет комментариев