Рио-2016 (16/08)

0
4 729 просмотров

ҲАМКОРИ ЛОИҲА IAMDIFFERENT:

iamdifferent21

Olá amigos. Чун ҳамарӯза оғоз менамоем аз пешниҳоди хабарҳои тоза.

Кристина Пронженко

Шурӯъ мекунем аз натиҷаи иштироки варзишгари Тоҷикистон Кристина Пронженко. Дар намуди давидан ба масофаи 200 метр аз 72 нафар иштирокчӣ ӯ ҷойи 69-умро соҳиб шуд. Ба мусобиқаи нимниҳоӣ 16 нафар роҳхат гирифтанд.

Дар намуди вазнбардорӣ ҳамаи гирандагони медал намояндагони Иттиҳоди давлатҳои мустақил шуданд. Намояндаи Ҷумҳурии Ӯзбекистон Руслан Нуриддинов дар вазни то 105 кг ғалаба ба даст овард. Медали нуқра насиби варзишгар аз Арманистон Симон Матиросян ва медали биринҷӣ насиби намояндаи Қазоқистон Александр Зайчиков гардид.

Варзишгари Русия Евгений Тищенко медали тилло бурд кард. Дар мусобиқаи ниҳоӣ оид ба бокс дар вазни то 91 кг ӯ дар се раунд намояндаи Қазоқистон Василий Левитаро мағлуб намуд. Медали биринҷӣ насиби варзишгар аз Ӯзбекистон Рустам Тулаганов шуд.

Дар муҳорибаи римӣ-юнонӣ дар вазни то 85 кг варзишгар Давид Чакветадзе аз Русия ғалаба ба даст овард. Дар бозии ниҳоӣ ҷавони 23-солаи Украина Жан Беленюкро мағлуб намуд. Дар вазни то 130 кг медали биринҷӣ насиби варзишгар аз Русия Сергей Семёнов гардид. Медали тиллоро Михаин Лопес аз давлати Куба соҳиб шуд.

Дар намуди гурзандозӣ пурқувваттар аз ҳама Анита Влодарчик варзишгарзан аз Полша дониста шуд.

Дар шиноварӣ ба масофаи 10 км Шарон Ван Раувендал аз Нидерландия маҳсуб гардид.

Дар варзиши намуди аспдавонӣ Шарлотт Дюжарден аз Британияи Кабир ғалаба ба даст овард.

B7_oxGQbi6Y

Варзишгарзан аз Полша Анита Влодарчик дар намуди гурзандозӣ Чемпионкаи олимпии бозиҳои соли 2016 дониста шуд. Ӯ дастоварди соли гузаштаи хешро навсозӣ карда, рекорди ҷаҳонро гузошт – 82,29 метр.

Энди Маррэй — намояндаи Британияи Кабир коре кард, ки ягон варзишгар дар намуди теннис то ба имрӯз анҷом надодааст. Ӯ паси ҳам дар ду бозӣ ғалаба ба даст оварда, чемпиони дукаратаи олимпӣ гардид.

Варзишгари Бразилия Жоау Витор де Оливейра дар намуди давидан ба масофаи 110 метр дар наздикии марра девонавор давид, то ба бозии ниҳоӣ роҳхат гирад. Дар навбати хеш варзишгар гуфт, дар ҳар мусобиқа бо чунин тарз ба марра мерасад.

Мураббиёни дастаи мунтахаби Миср қарор қабул карданд, ки дзюдочӣ Ислом Эл-Шаҳобиро аз Олимпиада ба хона мефиристанд. Дар даври аввали мусобиқаи олимпӣ варзишгар ба намояндаи Изроил Ору Сассон мағлуб шуд ва пас аз тамомшавии бозӣ сархамкуниро, ки дар дзюдо чунин қоида ҳаст, рад кард ва дасти дарозкардаи рақибашро нафишурд.

Иҷрокунандаи вазифаи президенти Бразилия Мишел Темер дар маросими пӯшидавии Бозиҳои олимпӣ дар Рио-де-Жанейро иштирок намекунад. Темер кӯшиш дорад, ки дар арафаи овоздиҳии тақдирсоз аз амалҳои номатлуб дурӣ ҷӯяд. Хотиррасон  менамоем, ки ҳангоми суханронии Мишел Темер дар маросими кушодашавии Олимпиада, тамошобинон ҳуштаккашӣ карданд.

Имрӯз дар Бозиҳои тобистонаи олимпӣ 28 маҷмӯи медалҳо бурд карда мешаванд.   5 маҷмӯи медал дар варзиши сабук, 4 маҷмӯъ дар заврақронӣ дар каноэ, 3 маҷмӯи медал дар намуди гимнастикаи варзишӣ ва дучархаронӣ, 2 маҷмӯъ дар намуди муҳорибаи римию юнонӣ, 1 маҷмӯи медал дар бокс, шиноварӣ, ҷаҳидан ба об, вазнбардорӣ, тенниси рӯи миз, волейболи соҳилӣ.

medalnyiy-zachyot

Пас аз рӯзи даҳуми бозиҳо бо 26 медали тилло дар мақоми якум ИМА, дар ҷойи  дуюм Британияи Кабир бо 16 медали тилло, дар мақоми сеюм Хитой  бо 15 медали тилло ва дар ҷойи чорум Русия бо 11 медали тилло қарор доранд. Қазоқистон дар мақоми 15-ум ва Ӯзбекистон дар ҷойи 26-ум мебошанд.

Шумо рӯзномаи Олимпиадаи Рио-2016-ро хондед. Хотиррасон менамоем, ки ҳамкори лоиҳа мағозаи “IAMDIFFERENT” аст. Маҳз барои имрӯз, санаи 16-уми август, яъне танҳо як рӯз барои тамоми либосҳои варзишии мағозаи “IAMDIFFERENT” тахфифи 30 фоиза эълон шудааст.

Тамошо кардани Олимпиадаро идома медиҳем. 

Хайр, то вохӯрии минбаъда!

 

Нет комментариев

Также рекомендуем

Сообщить об опечатке

Текст, который будет отправлен нашим редакторам: