Роҳбари САҲА Анн Линде ба Тоҷикистон меояд

0
1 137 просмотров

Вазири корҳои хориҷии Шветсия Анн Линде ба ҳайси раиси Созмони Амният ва Ҳамкории Аврупо (САҲА) аз кишварҳои Осиёи Марказӣ боздид мекунад, иттилоъ дода шудааст дар изҳороти матбуотии Вазорати корҳои хориҷии шоҳигарӣ. Аз Вазорати корҳои хориҷии Тоҷикистон ба АМИТ «Ховар» хабар доданд, ки ӯ рӯзи чоршанбеи 14 апрел ба Душанбе ташриф меорад.

Дар ҷараёни сафари худ роҳбари САҲА бо Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ва Вазири корҳои хориҷии Тоҷикистон Сироҷиддин Муҳриддин мулоқот мекунад.

Илова бар ин, мулоқоти Анн Линде бо намояндагони созмонҳои ғайриҳукуматӣ ба нақша гирифта шудааст.

Тавре дар сомонаи САҲА хабар дода шудааст, роҳбари САҲА дар ҷараёни сафари худ ба Осиёи Марказӣ аз Тоҷикистон, Ӯзбекистон, Қазоқистон ва Қирғизистон боздид мекунад. Сафари вай ба Туркманистон ба нақша гирифта нашудааст, аммо дар бораи сабаби он  хабар дода нашудааст. Намояндаи САҲА ба ҷои мулоқоти рӯ ба рӯ бо ҳамтои туркманаш аз тариқи иртиботи видеоӣ суҳбат хоҳад кард.

Сафари вазири корҳои хориҷии Шветсия ба кишварҳои Осиёи Марказӣ аз 11 то 15 апрел сурат мегирад. Ҳукуматдорони Ӯзбекистон ӯро 13-14 апрел интизоранд.

Мавзӯи гуфтушунидҳо густариши ҳамкории САҲА ҳамчун созмон ва давлатҳои иштирокчии он дар Осиёи Марказӣ гуфта шудааст.

Тавре АМИТ «Ховар» пештар хабар дода буд, аз 1 январи соли гузашта дар Тоҷикистон лоиҳаи нави таҳкими марзи Тоҷикистон ва Афғонистон оғоз ёфт, ки арзиши умумии он 3,3 миллион евроро ташкил медиҳад. Ба ғайр аз сарҳадчиён, дар доираи лоиҳа кормандони Кумитаи ҳолатҳои фавқулода низ омӯзиш хоҳанд гирифт. Онҳо малакаи худро дар вокуниш ба офатҳои табиӣ дар минтақаҳои наздимарзӣ такмил хоҳанд дод. Як қисми ин маблағ ба тармими марказҳои таълимии Тоҷикистон равона мешавад.

                                                                          АКС: government.se
Манбаъ: АМИТ «Ховар»

Нет комментариев

Также рекомендуем

Объявлены победители премии «Оскар»

В Лос-Анджелесе проходит традиционная церемония вручения кинопремии «Оскар» от Американской киноакадемии. Среди первых объявленных лауреатов отметилась картина «Еще по одной» датского режиссера Томаса Винтерберга с Мадсом Миккельсеном ...

Сообщить об опечатке

Текст, который будет отправлен нашим редакторам: