Русия ба мактабҳои деҳоти Тоҷикистон орд ва равғани растанӣ кумак намуд

0
115 просмотров

26 октябр Сафорати Русия дар Тоҷикистон ва Барномаи ҷаҳонии озуқаи Созмони Милали Муттаҳид 1485 тонна орди гандуми витаминдор ва 61 тонна равғани растаниро ба мактабҳои деҳоти навоҳии тобеи ҷумҳурӣ — аз ҷумла, ба вилояти Хатлон ва ВМКБ тақдим намуданд. Дар ин бора сардори Раёсати иқтисод, банақшагирӣ дар соҳаи маориф ва илми Вазорати маориф ва илми Ҷумҳурии  Тоҷикистон Бадриддин Музаффаров ба хабарнигори АМИТ «Ховар» хабар дод.

Дар маросими тақдими кумакҳо муовини Вазири маориф ва илми Ҷумҳурии Тоҷикистон Нуралӣ Собирзода, Сафири Фавқулода ва Мухтори Федератсияи Русия дар Ҷумҳурии Тоҷикистон Игор Лякин-Фролов, Намоянда ва Директори кишварии Созмони ҷаҳонии озуқа дар Ҷумҳурии Тоҷикистон Адҳам Мусаллам иштирок намуданд.

Кумакҳои башардӯстона бо маблағҳои Русия харидорӣ шуда, барои таҳкими амнияти озуқаворӣ дар Тоҷикистон барои соли 2021 бо маблағи 5 миллион доллар ҷудо гардида, дар чаҳорчӯби амалисозии Ёддошти тафоҳум миёни Созмони ҷаҳонии ғизо ва Вазорати ҳолатҳои фавқулоддаи Русия роҳандозӣ гардидаанд.

«Аз соли 2013 Русия барои иҷрои Барномаи ғизои мактабӣ дар Тоҷикистон беш аз 80 миллион доллар ҷудо кардааст. Чунин маблағ тасдиқи возеҳи шарикӣ ва иттифоқи стратегист, ки Русия ва Тоҷикистонро ба ҳам мепайвандад», — гуфт Игор Лякин-Фролов.

Манбаъ: АМИТ «Ховар»

Нет комментариев

Также рекомендуем

Tcell объединяет людей уже 15 лет!

В этом году компании Tcell исполняется 15 лет! Именно столько времени прошло с момента начала деятельности ЗАО СП «Сомонком», которое с марта 2010 года совместно ...

Сообщить об опечатке

Текст, который будет отправлен нашим редакторам: