Аз 7 то 14-уми июни соли ҷорӣ дар Қирғизистон рӯзҳои фарҳангии Ҷумҳурии Тоҷикистон баргузор мегардад. Ба ин муносибат як ҳайати 40 нафара таҳти раёсати Ибодулло Машрабов- муовини аввали вазири фарҳанги Тоҷикистон, ба Бишкек сафар мекунад. Тавре аз Ба иттилои Вазорати фарҳанги Қирғизистон иттилоъ дода шуд, ҳайати ҳунарии Тоҷикистон 5 рӯз бо сокинони Бишкек ва ноҳияҳои вилояти Ҷӯй мулоқотҳо намуда, ду консерт намоиш хоҳад дод. Тибки нақша шоми 8 июн дар Филармонияи давлатии Қирғизистон маросими ифтитоҳи расмии Рӯзҳои фарҳанги Тоҷикистон сурат мегирад. Фардои он рӯз дар Бишкек маросими кушоиши намоишгоҳи ҳунарҳои мардумӣ, суратҳо ва Рӯзи синамои тоҷик оғоз мегирад. Гурӯҳи ҳунарӣ бо меҳмонии сокинони шаҳри Қара Балта дар вилояти Чӯй консерти ҷолиб барпо мекунанд. Ба гурӯҳи ҳунарӣ ҳунармандони варзида Раҳматулло Ҳошимов, Шуҳрат Сайнаков, Таҳмина Ниёзова, Хайрӣ Ватанова ва дигарон шомиланд. Низом Қосим- Шоири халқии Тоҷикистон ва намояндаи Парлумони Тоҷикистон низ дар ин ҷашнвора иштирок хоҳад кард. Гуфта мешавад, ки рӯзҳои фарҳанги Тоҷикистон дар Қирғизистон ҷумъаи 12 июн ба таври расмӣ ба поён хоҳанд расид. Дар ин бора jahonnamo.tj хабар медиҳад
Беш аз 640 шаҳрванди Тоҷикистон аз Россия ба Ватан оварда шуданд
Дар партави дастури Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз 25 то 30 июн 642 шаҳрванди Тоҷикистон аз шаҳрҳои Россия ба Ватан оварда ...
Нет комментариев