Дар синни 60-солагӣ мусиқишиноси варзида Наим Ҳакимов аз олам гузашт. Субҳи имрӯз, соати 10 -00 дар назди манзили истиқоматии марҳум маросими видоъ баргузор гардид. Дар он намояндагони Мақомоти иҷроияи ҳокимияти давлатӣ, аҳли илму адаб, ҳамкасбону шогирдон хизматҳои Наим Ҳакимовро зикр намуданд. Тавре аз ДДХ ба Радиои Тироз хабар доданд, мусиқишинос, номзади илмҳои санъатшиносӣ, дотсент, профессори Узви Иттифоқи охангсозони Иттиҳоди Ҷумҳуриҳои Шуравӣ сотсиолистӣ, узви Иттифоқи оҳангсозони ҶТ ва аъзои Раёсати Иттифоқи композиторони Тоҷикистон Наим Ғаниевич Ҳакимов рӯзи гузашта вафот кардааст. Фаъолияти меҳнатии марҳум аз омӯзгори фанни мусиқии мактаби миёна ибтидо гирифта, минбаъд ҳамчун муҳаққиқ коромӯз дар Пажӯҳишгоҳи умумииттифоқии санъатшиносии Вазорати фарҳанг, Пажӯҳишгоҳи шарқшиносии АУ фаъолият бурдааст. Наим Ҳакимов муассис ва мудири кафедраи таърих ва назарияи мусиқии ДДСТ дар солҳои 1987-92 буд. Солҳои 1993-96 муассис ва ректори Академияи мусиқии ш.Хучанд ва минбаъд ҳамчун президенти Академияи мусиқии ҶТ, декани факултаи санъати ДДХ, директори Пажӯҳишгоҳи тадқиқоти илмии санъатшиносӣ, Раиси намояндагии Иттифоқи композиторони Тоҷикистон дар вилояти Суғд, директори иҷроияи маркази фарҳангу маърифатии «Суғд» кор кардааст. Марҳум муаллифи 26 китобу монография, 200 мақолаи илмӣ, мураттиби 50 китобу маҷмӯъаҳо ва дастурамалҳои таълимӣ мебошад.

Таджикские спортсмены по джиу-джитсу стали Чемпионами мира
Сборная Таджикистана принимает участие на Чемпионате мира по джиу-джитсу среди подростков и молодежи, который проходит в Абу-Даби ОАЭ. В нашу сборную по джиу-джитсу вошли 14 ...
Нет комментариев