Субҳи дирӯз, санаи 1-уми феврали соли равон дар шаҳри Алма-атои Ҷумҳурии Қазоқистон, бо ибтикори Ташкилоти байналхалқии Интернюси Қазоқистон дар доираи омӯзиши тарзи дурусти корбарӣ дар Медиапортал ва омодасозии маводи мултимедиявӣ Мактаби медиявӣ ё худ семинари кормандони ин соҳаи журналистика ба кори хеш оғоз бахшид.
Сармуҳаррири ШТРР “Тироз” Исломҷон Бобоев, ки яке аз иштирокчиёни он аст, аз шаҳри Алма-ато хабар дод, ки дар он 25 нафар кормандон-намояндагон аз Медиапорталҳои ҷумҳуриҳои Осиёи Марказӣ — Қазоқистон, Тоҷикистон ва Қирғизистон иштирок менамоянд.
Сараввал директори намояндагии Интернюс Нетуорк дар Қазоқистон Ержан Сулейманов ҳадафи гузаронидани семинарро шарҳ дод.
Роҳбари лоиҳа Олга Каплина андешаҳои хешро доир ба баргузории Тренери таҷрибаомӯзӣ — Мактаби медиявӣ баён намуд.
Тренери хидматрасонии мултимедиявӣ, муаллифи лоиҳаи консепсияи “Открытая Азия” Гулим Амирханова бо баробари ошноӣ бо ширкаткунандагони семинар, оид ба рӯзҳои гузаронидани он ва талабот аз иштирокчиён ба таври муфассал сухан кард.
Интизорӣ меравад, ки Мактаби медиявӣ то 5-уми феврал идома хоҳад ёфт. Доир ба рӯзҳои баргузории он ба таври иловагӣ иттилоъ хоҳем дод.
Исломҷон Бобоев
Нет комментариев