Шиносоии Раиси вилоят бо рафти сохтмони иншооти ҷашнӣ дар шаҳри Хуҷанд

0
563 просмотров

Дар партави дастуру ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон корҳои ободониву созандагӣ дар шаҳри Хуҷанд рӯз аз рӯз тақвият ёфта истодааст. Сокинони маркази вилоят барои дар сатҳи баланд таҷлил намудани ҷашни 30-солагии Истиқлоли Ҷумҳурии Тоҷикистон меҳнат намуда, дар бунёди иншооти гуногуни иҷтимоӣ нақши шоистаи худро мегузоранд.

Дирӯз Раиси вилояти Суғд Раҷаббой Аҳмадзода бо рафти корҳои сохтмонӣ дар чанд иншооти ҷашнӣ, аз ҷумла таҷдиду навсозии Қалъаи Хуҷанд, бунёди тарабхонаи «Форел» ва биноҳои баландошёнаи истиқоматӣ шинос гардида, барои тақвияти корҳо, ороиши беруниву дохилии иншооти ҷашнӣ ва ба ободониву кабудизоркунӣ фаро гирифтани гирду атрофи иншоот ба масъулин супоришҳо дод.

Боиси зикр аст, ки корҳои азнавсозии Қалъаи Хуҷанд ва сохтмони иншооти нав дар ҳудуди Маҷмааи таърихию фарҳангии “Қалъаи Хуҷанд” босуръат идома дорад. Дар Маҷмааи таърихию фарҳангии “Қалъаи Хуҷанд” осорхонаи таърихӣ, боғи фарҳангиву фароғатии ба номи Камоли Хуҷандӣ, хона-музейи Камоли Хуҷандӣ, мақбараи рамзии Камоли Хуҷандӣ ҷойгир буда, тибқи нақша дар ҳудуди маҷмаа иншооти нав бунёд гардида, нишонаҳои таърихии қалъаи қадима барқарор карда мешавад.​

Дар тарабхонаи «Форел» бошад охирин корҳои ороишӣ ҷараён дошта, рӯзҳои наздик иншоот пурра барои истифода омода мегардад. Тарабхона дар соҳили рости дарёи Сир ҷойгир буда, он барои ҷалби сайёҳон, бахусус хориҷиён нигаронида шудааст.

Манбаъ: Хадамоти матбуоти
Раиси вилояти Суғд

Нет комментариев

Также рекомендуем

Сообщить об опечатке

Текст, который будет отправлен нашим редакторам: