Ширкати «Помир Энерҷӣ» барои зиёд намудани дастрасӣ ба қувваи барқ дар соли 2017 ва барои таъминоти қариб 220,000 нафар одамон дар Тоҷикистон ва беш аз 35,000 нафар сокинони вилояти Бадашони Афғонистон, инчунин бисёр корхонаҳо, мактабҳо ва муассисаҳои тиббӣ бо қувваи барқи аз ҷиҳати экологӣ тоза соҳиби Ҷоизаи байналмилалии Британияи Кабир дар соҳаи энергияи устувор — «Аshden Awards» гардид. Ғолибони ин озмуни байналмилалӣ соҳиби мукофоти пулӣ дар ҳаҷми 20 000 фунт- стерлинг, инчунин соҳиби бастаи инфиродии дастгирии соҳибкорӣ барои васеъкунии фаъолияти худ мегарданд. Бояд зикр намуд, ки аз соли 2002 то кунун яке аз нахустин намунаҳои шарикии давлат ва бахши хусусӣ — «Помир Энерҷӣ» 11 адад неругоҳҳои барқи обии хурдро барқарор ва беш аз 4,300 км хатҳои интиқоли барқ ва воситаҳои тақсимотиро навсозӣ кардааст.
Манбаъ: www.khovar.tj
Нет комментариев