Субҳи имрӯз аз ҷониби масъулин ва кормандони ZET-MOBILE бо дастгирии Мақомоти иҷроияи ҳокимияти давлатии вилояти Суғд ва Мақомоти иҷроияи ҳокимияти давлатии шаҳри Хуҷанд дар пайравӣ ба ташаббусу иқдомҳои башардўстона ва раъиятпарваронаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бахшида ба Рўзи Парчами Ҷумҳурии Тоҷикистон ба зиёда аз 100 нафар рўбандаю покизакорони шаҳр кўмакҳои ғизоӣ тақдим карда шуд.
Кормандони ZET-MOBILE ҳангоми тақдими маводи ниёзи аввалия иборат аз орд, шакар, равған, биринҷ, макарон, марҷумак, чойи хушк ва ғайраҳо зимни бо рўбандаю покизакорон таъкид доштанд, ки заҳмати шабонарўзии ҳар як корманди ҷодаи ободонӣ ҳамеша қадршиносӣ мегардад, зеро аз фаъолияти бомаром ва самаровари шумоён тозагӣ ва хуррамии маркази маъмурии вилояти Суғд –шаҳри Хуҷанд вобастагии зиёд дорад. Бахусус дар замони паҳншавии бемориҳои сироятӣ мо бояд дар ҷодаи ободонию тозагӣ масъулияти бештарро ҳис намоем.
Рўбандаю покизакорон, ки ғайричашмдошт аз кўмакҳои ғизоии ниёзи аввалия бархўрдор шуданд, миннатдории хешро ба барои чунин иқдоми наҷиб ба роҳбарияти давлату Ҳукумат ва ширкати ZET-MOBILE изҳор доштанд.
Манбаъ: Хадамоти матбуоти Раиси вилояти Суғд
Нет комментариев