Шоири маъруфи тоҷик дар Аврупо ҷоиза гирифт

0
3 590 просмотров

Гулназар Келдӣ, шоири шинохтаи тоҷик ва муаллифи суруди миллии Тоҷикистон бо “Diploma di Merito” ва нишони Аврупо дар соли 2016 қадрдонӣ шудааст.

Бино ба иттилои Ато Мирхоҷа, ноиби раиси Иттифоқи нависандагон, диплом ва нишони Аврупо ба шоири тоҷик бо қарори Палатаи Аврупо супурда шудааст: “Ҷоизаи олии Аврупо ба тариқи ройгон барои гузоштани саҳми арзанда дар соҳаҳои илм, маориф ва фарҳанг дода мешавад. Ҳамзамон ба ғолиби ҷоиза шаҳодатномаи Палатаи Аврупо тақдим мешавад, ки дорои шакли шиноснома буда, аз 14 саҳифа иборат аст ва ба ӯ ҳангоми сафар ба хориҷа имтиёз медиҳад. Ҳуҷҷати мазкур тамоми мансабдоронро вазифадор менамояд, ки ба соҳиби шаҳодатнома кумак ва мусоидати ҳамаҷониба намоянд”.

Гулназер келди 2

Гулназар Келдӣ 20 сентябри соли 1945 дар рустои Дар-Дари ноҳияи Айнӣ таваллуд шудааст. Фориғутаҳсили факултаи забон ва адабиёти тоҷики Донишгоҳи давлатии Тоҷикистон дар соли 1966 мебошад. Аз соли 1966 то 1973 ба ҳайси хабарнигор ва баъдан муовини сармуҳаррири рӯзномаи «Комсомоли Тоҷикистон» кор кардааст. Соли 1973 муовини раҳбари шӯъбаи адабии маҷаллаи «Садои Шарқ» таъин гардида, солҳои 1975-1977 ҳамчун тарҷумон дар Афғонистон фаъолият кардааст. Баъди бозгашт аз Афғонистон то соли 1991 дар «Садои Шарқ» кор мекунад. Нахустин маҷмӯаи шеърҳои ӯ бо номи «Расми сарбозӣ» соли 1969 нашр шудааст.

Соли 1994 дар як озмун аз миёни 114 пешниҳод, шеъри ӯ гимни Тоҷикистон эълон шуд.

Манбаъ: ozodagon.com

Нет комментариев

Также рекомендуем

Сообщить об опечатке

Текст, который будет отправлен нашим редакторам: