Шумораи қурбониён ба 37 нафар расид

0
1 629 просмотров

Рӯзи чоршанбе наҷотдиҳандагон ҷасади 18 нафарро, ки бар асари таркиши газ ва фурӯравии даромадгоҳи бинои истиқоматии 10-ошёна дар Магнитогорск қурбон гардиданд, аз зери харобаҳо бароварданд. Дар ин бора ТАСС иттилоъ медиҳад.

Ҳамин тариқ, шумораи қурбониён ба 37 нафар расида, шахсияти 19 тани онҳо муайян шудааст. Миёни қурбониён 3 нафар кӯдакон мебошанд.

Ҳамчунин 5 нафар ҷароҳатбардоштагон, аз ҷумла 1 нафар навраси 13-сола дар беморхонаи Магнитогорск бистарӣ буда, вазъи онҳо муътадил арзёбӣ мешавад. Яке аз онҳо- шаҳрванди Тоҷикистон дар ҳолати вазнин буда, ба беморхонаи вилоятии Челябинск интиқол дода шуд. Ҳамсар ва 3 фарзанди ӯ, ки онҳо низ шаҳрвандони Тоҷикистон мебошанд, зери харобаҳо мондаанд. Пайдо гардидани онҳо аз зери харобаҳо ҳанӯз номаълум мебошад. Консулгарии генералии Тоҷикистон дар Екатеринбург омода аст, ки ба шаҳрвандони осебдида кумаки зарурии моддӣ ва маънавӣ расонад.

Ба иттилои манбаъ, ҷустуҷӯи 14 каси дигар ҳанӯз идома дорад. Тақрибан 900 нафар ва беш аз 200 адад техника ба амалиёти наҷотдиҳӣ сафарбар шудаанд. Сардии ҳаво ва эҳтимоли ҳар лаҳза фурӯ рафтани қисми боқимондаи бино ба амалиёти ҷустуҷӯӣ-наҷотдиҳӣ мушкилот эҷод мекунанд.

Ёдовар мешавем, ки рӯзи душанбе, 31 декабри соли 2018, дар шаҳри Магнитогорски Россия дар яке аз даромадгоҳҳои бинои истиқоматии 10-ошёна болопӯш фурӯ рафт. Кумитаи тафтишотии Россия ҳангоми тафтиши сабабҳои фоҷиа таркиши гази маиширо ҳамчун фарзияи афзалиятнок баррасӣ мекунад.

Манбаъ: АМИТ «Ховар»

Нет комментариев

Также рекомендуем

Тоҷикистон алоқамандии худро барои баромадан ба бандарҳои обии Эрон барои ҳамлу нақли молу маҳсулот иброз дошт

Тоҷикистон алоқамандии худро барои баромадан ба бандарҳои обии Эрон, ҳамчунин истифодаи имконоти бандарҳои Чобаҳор ва Бандар-Аббос барои ҳамлу нақли молу маҳсулот иброз намуд. Дар ин ...

Сообщить об опечатке

Текст, который будет отправлен нашим редакторам: