СММ дар бораи ба таври рекордӣ коҳиш ёфтани майдони яхҳои баҳрии Антарктика дар моҳи феврал иттилоъ дод

0
566 просмотров

Масоҳати майдони яхҳои баҳрӣ дар Антарктика дар охири моҳи феврал 1,83 миллион метри мураббаъро ташкил додааст, ки ин андозаи рекордии пасттарин дар охири фасли зимистон ба ҳисоб меравад. Тавре АМИТ «Ховар» иттилоъ медиҳад, дар ин хусус 10 март дар брифинги Женева намояндаи расмии Созмони ҷаҳонии обуҳавошиносӣ (WMO) Клэр Нюллис хабар додааст.

«Масоҳати яхҳои баҳрӣ дар Антарктика моҳи феврал ҳангоми мушоҳидаи обу ҳаво ва иқлим ба сатҳи рекордии паст рафта расид», — иброз намуд Клэр Нюллис. Мувофиқи маълумоти Созмони ҷаҳонии обуҳавошиносӣ, ки муассисаи махсуси Созмони Милали Муттаҳид мебошад, охири моҳи феврал яхи баҳр 1,83 миллион километри мураббаъро ташкил намуд, ки 93 ҳазор метри мураббаъ аз ҳадди рекордии мавсимӣ дар моҳи феврали соли 2022 сабтшуда камтар аст.

Дар мавриди Арктика бояд гуфт, ки майдони яхи баҳрӣ дар моҳи феврал дуюмин хурдтарин дар тамоми таърихи мушоҳидаҳои ба қайд гирифта дар охири давраи зимистон мебошад: аз соли 1981 то соли 2010 ба ҳисоби миёна ба андозаи 1,12 миллион метри мураббаъ камтар аст.

Тавре дар Созмони ҷаҳонии обуҳавошиносӣ (WMO) шарҳ доданд, ҳоло хулоса баровардан барвақт аст, ки оё ин як ҷузъи тағйирёбии табиии обу ҳавост ё тамоюли нави обшавии дарозмуддат дар натиҷаи тағйирёбии иқлим, ки метавонад ба болоравии сатҳи баҳр таъсири ҷиддии ғайримустақим дошта бошад.

Манбаъ: АМИТ «Ховар»

Нет комментариев

Также рекомендуем

Таблиғи имкониятҳои иқтисодиву сармоягузории Тоҷикистон дар Париж

Дар иқоматгоҳи ассотсиатсияи соҳибкорони Франсия (МЕДЕФ) бо иштироки намояндагони доираҳои соҳибкории франсавӣ рӯнамои (презентатсия)-и имкониятҳои иқтисодиву тиҷоратӣ ва сармоягузории Тоҷикистон барпо гардид. Дар рафти ин ...

Сообщить об опечатке

Текст, который будет отправлен нашим редакторам: