Дар Маркази фарҳанги шаҳри Хуҷанд вобаста ба вазъи сиёсӣ, таблиғоти ҳуқуқӣ, пешгирӣ намудани ҷинояткорӣ, экстремизму терроризм, шомил шудани ҷавонон ба ҳизбу ҳаракатҳои ғайриқонунӣ ва баланд бардоштани ҳисси ватандӯстии аҳолӣ таҳти раёсати Раиси шаҳри Хуҷанд Маъруф Муҳаммадзода ҷаласаи фаъолони шаҳр баргузор гардид. Дар мулоқот ҳамчунин прокурори шаҳр мушовири адлияи дараҷаи 1 Солизода Арабшо, сардори шӯъбаи Вазорати корҳои дохилаи Ҷумҳурии Тоҷикистон дар шаҳр Ҷалилзода Эмин Карим, Саидзода Зикрулло Алӣ- сардори факултаи 4-уми академияи ВКД, муовини сардори Академия, Шарифзода Мавҷуда-Раиси суди шаҳр, Исмоилов Алишер — сардори шӯъбаи шаҳрии КДАМ иштирок намуданд. Раиси шаҳри Хуҷанд зимни суханони ифтитоҳии худ изҳор дошт, ки бунёди давлати демократӣ ва дунявӣ, ки дар он тамоми ҳуқуқу озодиҳои шаҳрвандон таъмин карда мешавад, яке аз ҳадафҳои асосии сиёсати Ҳукумати Ҷумҳурии Тоҷикистон ва Асосгузори сулҳу ваҳдати миллӣ – Пешвои миллат, мӯҳтарам Эмомалӣ Раҳмон мебошад. Доири масъалаи ҷаласаи корӣ прокурори шаҳр Солизода Арабшо, сардори шӯъбаи Вазорати корҳои дохилаи Ҷумҳурии Тоҷикистон дар шаҳр Ҷалилзода Эмин Карим, сардори факултаи 4-уми ВКД, муовини сардори Академия Саидзода Зикрулло Алӣ баромад намуда, бобати асосу хусусиятҳои пайдоиши омилҳои номатлуб изҳори андеша намуданд. Барои фаъолияти пурсамар ва иштироки фаъолона дар корҳои ҷамъиятӣ чанд нафар аз фаъолон бо Сипосномаҳои Мақомоти иҷроияи ҳокимияти давлатии шаҳри Хуҷанд сарфароз гардонда шуданд. Мулоқот бо вазифагузориҳои Раиси шаҳри Хуҷанд Маъруф Муҳаммадзода ба анҷом расид.
Манбаъ: www.khujand.tj
Нет комментариев