Ҳаёти мавҷудоти зинда бо табиат вобастагии қавӣ доранд. Табиати Тоҷикистон, ки хеле зебост, барои васфаш як китоб гӯем, кам аст. Диёри мо обҳои мусаффо, осмони беғубор, гулҳои шукуфон, дарахтони ҳамешасабз, олами ҳайвоноти рангин дорад. Қисми зиёди ҳудуди Тоҷикистонро кӯҳҳо иҳота кардаанд, ки бо сарватҳои табиӣ бой аст ва барои рангин гузаштани зиндагӣ мусоидат мекунанд.
Боду ҳавои тоза барои саломатӣ аҳмияти калон дорад. Хушбахтона осмони Тоҷикистон софу беғубор мебошад. Гулу гиёҳҳо, ки аз ҳастиҳои табиати диёрамон аст, ҳамчун воситаи шифо истифода мешаванд. Ҳайвоноту растаниҳо нодир ба китоби сурх дароварда шудаанд. Қарзи ҳар як фарди ҷомеъа аз он иборат аст, ки сарвати табиатро муҳофизат карда, дар ободии Ватан ҳиссаи худро гузоранд. Табиати Тоҷикистон, ки як гӯшаи биҳишт аст, бо қадами баҳору тобистон оламоро қабои сабз мегардад. Паррандаҳо аз минтақҳои гарм ба ҷониби мо парвоз мекунанд. Деҳқон ба кишту кор машғул шуда, барои халқ меваю сабзавотҳои тару тозаро дастрас мекунад. Дар тобистон ҳама ҷо гулу гулзор гашта, меваю сабзавотҳои дармонбахш хеле зиёд мегарданд. Дар тирамоҳи тиллоӣ боғҳоро дарахтони заринисор ороиш медиҳанд.Оҳиста борони тирамоҳро барфи зимистон иваз карда,табиат ранги дигар мегирад.
Аз ҳама табиати зебо бар назари инсон ин табиати Ватан аст. Дар куҷое, ки қарор надошта бошем, боз дил ба ҳамин сӯ кашол аст. Дар ин ҷо инсон метавонад танҳо бо худаш ва орзуяш бошад. Садои булбул, шаршараҳои зебо, дарёҳои калон дили ҳар як хурду калонро маҳв мекунад. Аз ҳар гӯшаҳои олам сайёҳон омада, иқлим, кӯҳҳо, наботот ва ҳайвоноти кишварро меомӯзанд. Иқлими Тоҷикистон барои чорводорӣ, зироатпарварӣ хеле мусоид аст. Хуллоса табиати Тоҷикистон биҳиштосо буда, мисли оҳанрабо касро ба худ мекашад.
Дӯстдору муҳофизи табиати Ватан бошед!
Нет комментариев