Вақти он расидааст, ки ба Шумоён оид ба интихоби дуруст ва истифодабарии тафдонҳои барқӣ ё худ микровалнавка маълумот диҳем.
Мехоҳед, хӯрокҳои хунукшударо ботезӣ ва босифат гарм кунед?
Пас, аз тафдонҳои барқӣ истифода баред. Намедонед чӣ тавр онро интихоб намоед? Мо ба шумо дар ин ҷода ёрӣ мерасонем. Тафдонҳои барқии оддӣ танҳо барои гарм кардани таом, тафдонҳои барқии грилдор бошад, барои пухтани гӯшт истифода бурда мешаванд. Ҳангоми интихоб ба ҳаҷми даруни тафдон аҳамият диҳед. Ҳаҷми то 20 литр барои як нафар, ҳаҷми то 30 литр барои истифодабарии аҳли оилаатон хизмат карда метавонад.
Рӯйпӯшҳои даруни тафдонҳо аз маводҳои гуногун тайёр карда шуда, аз ҳама оддитарин ва арзонтарини он – эмал мебошад. Рӯйпӯши пӯлодин бошад, ба ҳарорати баланд тобовар аст, лек талаби нигоҳубини боҷидду ҷаҳдро дорад. Рӯйпӯшҳои муқобили бактерӣ ва биокерамикӣ- руйпӯшҳои муосир ба ҳисоб рафта, дар чунин тафдонҳо манфиати моддаҳои ғизодиҳандаи маҳсулоти озуқаворӣ нигоҳ дошта мешавад.
Акнун якчанд маслиҳатҳои муфидро оид ба истифодабарии дурусти тафдони барқӣ пешкаши шумо мегардад:
1.Агар оинаи бехатарӣ, дигар қисмҳои тафдон зарар дида ё ноқилҳои пайваст нуқсон дошта бошанд, истифода бурдани тафдони барқӣ қатъиян манъ аст;
2.Ҷоизи қайд аст, ки баъзе нафарон дар тафдони барқӣ таомро тайёр мекунанд. Ин амали нодуруст аст. Ба маълумоти шумо мерасонам, ки азбаски тафдонҳои барқӣ бактерия ва микробҳоро нобуд карда наметавонанд, таоми пухтаи шумо ба саломатиатон хатарнок шуданаш мумкин аст. Инчунин дар тафдон маҳсулоти хӯрокаи дар банкаю қуттиҳои ҳархела нигохдорандаро гарм кардан мумкин нест.
- Барои тоза кардани равғани дар девораҳои тафдони барқӣ часпида, ба шумо маҳлули содда ёрӣ расонида метавонад. Дар маҳлули содда пораи матоъро тар карда, девораҳоро шӯед, баъдан бо сачоқи хушк пок кунед. Барои тозаю озода нигоҳ доштани тафдон оби лимӯро низ истифода мебаранд. Оби лимӯро бо об омехта, ба даруни тафдони тасфидаистода ба муддати 5 дақиқа гузоред.
Дар хотир доред, ки агар тафдони барқиро нодуруст истифода баред, он ба саломатии шумо хатарнок шуда метавонад. Шунавандагони азиз, тафдонҳои барқиро мувофиқи таъиноташон истифода бурда, аз он ҳаловат баред.
Ин буд якчанд маслихатхо ҷихати интихоб ва истифодаи дурусти тафдонҳои барқӣ. Бо мо бошед!!!
Нет комментариев